Kryetari i komunës Rufki Suma, priti në takim pune z.Fatmir Gërguri nga komisioni i pavarur për miniera dhe minerale.
Kryetari Suma dhe z.Gërguri biseduan lidhur me aktivitet e operatorëve ilegal në kontekst të aktiviteteve që kanë të bëjnë me eksploatimin e lëndëve nga miniera dhe minerale.
Palët konstatuan se në komunën e Hanit të Elezit operatorët aktual që eksploatojnë lëndë minerare janë të licencuara dhe funksionojnë në përputhe me ligjin.
Mirëpo kjo nuk mundë të thuhet edhe për opertaorë të ndryshëm që realizojnë projekte të ndryshme në komunën e Hanit të Elezit dhe për të cilët nuk mundë të sigurohet dëshmi se a e marrin lëndën minerare nga operatorët e licencuar.
z.Fatmir Gërguri nga komisioni i pavarur per miniera dhe minerale tha Buxheti i Kosovës në masë të konsderueshe mbushet nga tatimi për lëndën e eksploatuar dhe se në këtë drejtim domosdo duhet të përkrahen kompanit që janë të licencuara dhe janë tatim pagues të rregullt.
Nga takim doli edhe ideja që për të vënë kontrollë sa më të mirë në këtë fushë, një ndër kriteret e procedurave të tenderimeve të jetë që operatorëve ekonomik të ju kërkohet dëshmi që lëndët minerale të jenë të furnizuara nga operatorët ekonomik që janë të licencuara sipas standardeve të komisionit të pavarur për miniera dhe minerale.
