Hani i Elezit 02.04.2014
Kryetari i komunës Rufki Suma sot ishte nikoqirë i Ambasadorit të Britanisë së Madhe në Kosovë z.Ian Cliff.
Vizita e Ambasadorit Cliff në Komunën e Hanit të Elezit është nderë i veçantë dhe mundësi e mire që të prezantojmë zhvillimet e përgjithëshme si dhe perspektivën e komunës tha z.Suma duke iu uruar mirëseardhje z.Cliff.
Në prezantimin e tij, kryetari Suma e njoftoi musafirin e lartë me një historik të shkurtë lidhur me themelimin e komunës së Hanit të Elezit që nga procesi e decentralizimit në vitin 2005 deri me sot, duke bërë një krahasim me të arriturat e komunës së Hanit të Elezit nga viti 2008 kur është themeluar si komunë me kompetenca të plota. Për kryetarin Suma komuna e Hanit të Elezit si komunë e re dhe me kapacitete të kufizuara ka arritur që në vitet e fundit të bëjë investime të konsiderueshme të cilat në masë të madhe kanë ndikuar në zhvillimin e përgjithshëm të komunës dhe mirëqenijes së qytetarëve. Ai përmendi investimet në infrastrukture, arsim, shëndetësi duke potencuar vazhdimisht se të gjitha këto investime dhe të arritura do të ishin të pamundura të realizohen pa ndihmën e Qeverisë së Kosovës dhe përkrahjen e fuqishme të Donatorëve të cilat në këto vite kanë përkrahur komunën e Hanit të Elezit në financimin e shumë projekteve siç janë Komisioni Evropian, USAID-i, LOGOS-i, CARITAS-i UN-HABITA-ti CDF-ja CDI-së GIZ-i etj. Falë kësaj përkrahje kemi filluar të implementojmë edhe projekte në gjenerimin vendeve të punës dhe përkrahjes të sektorit privat
Edhe përkundër faktit se jam i zgjedhur si Kandidatë i pavarur për kryetarë të komunës në mandatin e pare dhe tani i rizgjedhur edhe në mandatin e dytë, fryma e bashkëpunimit me subjektet politike është shumë e mirë dhe të gjitha vendimet në interes të qytetarëve kalojnë në shumë raste në mënyrë unanime në kuvendin e komunës.
Ndërsa Ambasadori Ian Cliff tha se për të gjitha këto zhvillime në komunën e Hanit të Elezit ka patur informata dhe kjo ishte arsye e kësaj vizite që për së afërmi të njoftohem me kryetarin Suma dhe të shpreh mirënjohjen time për të gjitha këto të arritura. Ai tha se është shumë i lumturë që një kryetarë, kandidatë i pavarur, ka arritur që një pilot komunë me mundësi të vogla ta transformojë në një komunë shumë funksionale me shumë të arritura që të adresojë nevojat e komunitetit dhe ato ti realizojë, dhe prej së cilës mundë të mësojnë edhe komunat e tjera.
Ambasadori Cliff tha se është me rëndësi që të gjitha këto zhvillime të jenë të njohura për opinionin duke potencuar edhe raportin e KDI-së në të cilën komuna e Hanit të Elezit vlerësohet lartë.
Gjatë takimit Kryetari Suma dhe Ambasadori Cliff bashkëbiseduan edhe për sfidat dhe nevojat e komunës së Hanit të Elezit, bashkëpunimin ndërkufitarë, problemet me shkallën e lartë të papunësisë, nevoja për investime dhe përkrahjen nga donator në zhvillimn e komunës së Hanit të Elezit.
Në shenjë të falënderimit dhe mirënjohjes për kontributin e madhë të shtetit të Britanisë së Madhe dhënë Kosovës dhe në kujtim të këtij takimi kryetari Suma i dhuroi Emblemën e Komunës së Hanit të Elezit Ambasadorit Cliff.
Pas takimit në komunën e Hanit të Elezit, Kryetari Suma dhe Ambasadori Cliff, vizituan Kompaninë për përpunimin e mishit “Uka Saraj” në Han të Elezit.
Pronari Haxhi Kemal Abazi i njoftoi musafirët për punën e kësaj kompanie duke potencuar edhe përkrahjen në ngritjen e kapacitetit të kësaj kompanie përmes grantit të Komisionit Evropian në vlerë prej afro 350.000,oo€ në pajisje të përpunimit të mishit. Ata thanë se falë këtij donacioni, kompania ka rritur kapacitetet, cilësinë e prodhimit dhe numrin e të punësuarve. Ata falënderuan edhe komunën e Hanit të Elezit për përkrahjen e biznesit në sektorin privat e cila mundë të jetë e rëndësishme për zhvillimin e ardhshëm të komunës.
Zyra për Informim
