Kryetari i komunës Rufki Suma priti në takim pune Kapiten Avni Vrellaku nga Njësia Ndërlidhëse për Reagim në Kriza dhe Rreshter Fadil Rushiti nga Batalioni i Parë për Reagim të Shpejtë në Gjilan.
Kapiten Avni Vrellaku dhe Rreshter Fadil Rushiti e njoftuan kryetarin Suma lidhur me aktivitetet të cilat këto njësi të FSK-së janë duke i zhvilluar në komunën e Hanit të Elezit.
Ata thanë se në kuadër të Njësisë Ndërlidhëse për Reagim në Kriza si pjesë e fazës së parë e projektit është zhvilluar një databazë e kompletuar lidhur me evidentimin e të gjitha vendbanimeve me të gjitha karakteristikat e tyre si pozitat gjeografike, numrin e banorëve, strukturën e banorëve gjendjen e infrastrukturës dhe karakteristikat tjera të këtyre vendbanimeve.
Avni Vrellaku nga Njësia Ndërlidhëse për Reagim në Kriza e FSK-së tha se si fazë e dytë e këtij projekti jemi duke bërë rishikimin e këtyre të dhënave dhe ndryshimet e ndodhura si dhe në këtë fazë është angazhuar edhe njësia e reagimit të shpejt me të cilën mundë të bashkëpunojmë në rast të ndonjë krizë eventuale.
Shënimet e grumbulluara në databazën do të na shërbejnë për të pas shënime sa më të plota dhe të sakta nga tereni të cilat mundë ti përdorim për të planifikuar kapacitetet e nevojshme për intervenime në raste krize apo reagimi të shpejtë.
Kryetarë i komunës Rufki Suma shprehu respektin e lartë për aktivitetet e FSK-së të cilat është duke i realizuar në komunën e Hanit të Elezit. Ai po ashtu e vlerësoi lartë edhe projektin i cili është duke e realizuar një databazë të kompletuar lidhur me evidentimin e të gjitha vendbanimeve e që në rrethana të krizë mundë do të jetë edhe në interes të institucionit të komunës së Hanit të Elezit
