Kryetari i komunës Rufki Suma është duke marrë pjesë në punëtorinë dy ditore të organizuar nga “Programi për Mbështetjen e Planifikimit Hapësinor Komunal” nga zyra e UN-HABITAT-it në Kosovë.
Në këtë punëtori e cila është organizuar në Hotel “Inex-Gorica” në Ohër, përveç Kryetarit Suma të ftuar janë edhe kryetarët nga komunat Gjilan, Ferizaj, Prizren, Pejë, Mitrovicë, Rahovec, Graçanicë, Partesh, Mamushë, Malisheve, Mitrovicë e Veriut, Leposaviq, Zubin Potok, Zveçan, Prishtinë dhe Junik, partnere në“Programi për Mbështetjen e Planifikimit Hapësinor Komunal.
Përveç zyrtarëve të lartë komunal në këtë punëtori marrin pjesë edhe z.Dardan Gashi Ministër në Ministrinë e Ambientit dhe Planifikimit Hapësinor, z.Basri Musmurati zv.Ministër në Ministrinë e Administrimit të Pushtetit Lokal, përfaqësues nga Ministria e Administratës Publike dhe zyrtarë nga Stafi i programit të MuSPP – UN-Habitat-i në Kosovë .
Qëllimi i kësaj punëtorie e quajtur "Bashkë bëjmë qytete më të mira": Ku qëndrojmë? Ku
dëshirojmë të arrijmë dhe si?, është që autoritetet lokale të sapo zgjedhura të njihen me Programin për përkrahjen e planifikimit hapësinor komunal, që të bëhet një vlerësim i të arriturave të deritanishme, që bashkërisht të shqyrtohen nevojat e mbetura, sfidat dhe prioritetet e tanishme, si dhe të diskutohet dhe të nxirren rekomandime drejt bashkëpunimit të mëtejmë dhe programeve të ardhshme në fushat e planifikimit dhe menaxhimit territorial/komunal dhe çështjeve tjera të caktuara si prioritete nga komunat përkatëse.
Në punëtori do të bëhet njohja e autoriteteve lokale të sapo zgjedhura me këtë Program, vlerësimi i të arriturave të deritanishme dhe shqyrtimi i nevojave të mbetura, sfidave dhe prioriteteve, Programet për vitin 2014, Shqyrtimi i nevojave dhe sfidave të planifikimit dhe menaxhimit territorial/komunal: si dhe rekomandimet drejt bashkëpunimit të mëtejmë dhe programeve të ardhshme.
Zyra për informim
