Këshilltarët e rinj të Kuvendit Komunal të Hanit të Elezit, dhanë sot betimin solemn duke marrë kështu zyrtarisht përgjegjësit e deputetëve komunal, besim ky që atyre iu dha në zgjedhjet lokale të 3 nëntorit.
Ftesës së Kryetarit të Komunës Rufki Suma që të marrin pjesë në mbledhjen e parë inauguruese iu ishin përgjigjur të gjithë anëtarët e zgjedhur të kuvendit të ri të komunës së Hanit të Elezit.
Duke iu uruar mirëseardhje kryetari Suma tha se në bazë të LVL-së dhe udhëzuesit nga MAPL-ja kam ftuar mbledhjen inaguruese të kuvendit të Komunës së Hanit të Elezit, dhe nga ky moment shfrytëzoj rastin të uroj këshilltarët e rinjë të kuvendit komunal të cilët janë zgjedhur në zgjedhjet lokale të 3 nëntorit.
Kryeatri Suma me këtë rast falënderoi për prezencën e tyre përfaqësuesit e MAPL-së, Zyrës Regjionale të OSBE-së, Policisë së Kosovës, përfaqësues të institucioneve publike të Komunës së Hanit të Elezit e shumë qytetarë present në këtë seance solemne.
Pas prezantimit të rendit të ditës, me fjalë rasti para të pranishmëve iu drejtua përfaqësuesi nga MAPL-ja .Ai uroj kryetarin dhe këshilltarët e kuvendit të komunës për besimin e marrë nga qytetarët e komunës së Hanit të Elezit duke shtuar se kjo mundë të jetë një motiv shtesë që puna e juaj të jetë konform Kushtetutës së Republikës së Kosovës, Ligjet e aplikueshme, në të mire dhe në dobi të qytetarëve të komunës suaj.
Me fjalë rasti të pranishmëve iu drejtua edhe Drejtori i zyrës Regjionale të OSBE-së z.Ulrich Biffar i cili falënderoi për mundësinë që ti drejtohet përbërjes së re të Komunës së Hanit të Elezit, duke thane se në regjionin e Gjilanit ku ai përfaqëson janë vetëm dy kryetarë të cilët janë rizgjedhur.Kanë ndodhë shumë ndryshime në këtë regjion, por Hani i Elezit po vazhdon kontinuitetin me kryeatrin e rizgjedhur. Për mua ka qenë gjithmon kënaqësi të jemë në këtë komunë sa here që më është dhënë rasti.Jemi dëshmitarë të një procesi shumë demokratik dhe prezenca shumë e madhe e qytetarëve present në këtë ngjarje dëshom përkushtimin e juaj që të punoni në interesin e qytetarëve tuaj.Ju dëshirojë shumë sukses dhe shfrytëzoja rastin që me një dhutarë simbolike, me një torte me shenjën e organizatës së OSBE-së të ju uroj punë të mbarë tha z. Biffar.
Pas fjalëve përshëndetëse, kryetari Suma në përputhje me udhëzuesin e MAPL-së vazhdimin e senacës inauguruese ia kaloi këshilltarit më të vjetër në moshë z.Sali Vila.
Këshilltari Vila në përputhje me rendin e ditës kërkoi nga këshilltarët e zgjedhur që me ngritje në këmbë së bashku të lexojnë tekstin e betimit dhe nënshkrimin solemn të deklaratës.
Aktin e leximit e bëri këshilltari Vila pës të cilit fjalët i përsëritën edhe këshilltarët tjerë me që rast është konstatuar edhe akti solemn i inagurimit të kuvendit të ri të komunës së Hanit të Elezit.
Pas këshilltarëve për aktin solemn të betimit është ftuar edhe kryeatri i komunës Rufki Suma që para këshilltarëve të zgjedhur të jape deklaratën solemne të betimit për Kryetarë të Komunës.
Pas dhënjes së betimit kryetari i rizgjedhur i komunës së Hanit të Elezit Rufki Suma duke falënderuar të pranishmit tha;
Të nderuar Këshilltar të Kuvendit të Komunës së Hanit të Elezit
Të nderuar anëtarë të mandatit te kaluar te Kuvendit të Komunës, të nderuar përfaqësues të MAPL-se, i nderuari shef i misionit të OSBE-se i rajonit te Lindjes, Ulrich Biffar përfaqesues të Policisë së Kosovës, përfaqësues të mediave, mysafir dhe pjesëmarrës në mbledhjen solemne të inaugurimit të përbërjes së re të Kuvendit te komunës së Hanit të Elezit.
Me 3 Nëntor qytetarët e komunës së Hanit të Elezit edhe një herë dëshmuan kulturën e lartë politike e qytetare dhe me daljen e tyre masive në zgjedhjet lokale, dhe me vullnetin e tyre të lirë vendosën që ne të jemi ata që do ti përfaqësojmë në 4 vitet e ardhshme.
Sot në mënyrë solemne u betuam se do t’i kryejmë me nder, besnikëri, pa anime e me ndërgjegje te paster, duke u bazuar ne ligjet ne fuqi te Republikes se Kosoves te gjitha detyrat qe na parashtrohen ne interesin e gjith qytetarëve. Mbi të gjitha, prej sot mbi ne bie përgjegjësia e besimit të qytetarëve të cilët me plot të drejtë presin të jemi përgjegjës për zhvillimet në komunën tonë të jemi përgjegjës për zhvillimin ekonomik dhe mirëqenien e tyre.
Të nderuar pjesëmarrës, më lejoni që në emrin tim dhe në emër të qytetarëve të komunës së Hanit të Elezit me respektin më të lartë të falënderojë përbërjen e kaluar te Kuvendit dhe ekzekutivin për angazhimin e tyre, sepse me një punë të përbashkët të të gjithëve, me ndihmën e donatorëve vendor dhe ndërkombëtar kemi arritur të realizojmë synimet tona dhe projektet që ishin në interesin e qytetarëve te Hanit te Elezit, për 4 vitet e kaluara. Andaj zotohemi se edhe më tutje do të punojme me të gjith faktorët relevant duke filluar nga Këshilltarët e Kuvendit të ri të zgjedhur nga vota e popullit, institucionet vendore dhe ndërkombëtare, vetëm e vetëm qe qytetarëve ti krijojmi kushte edhe më të mira për jetes.
Edhe një herë falënderim për banorët e komunës së Hanit të Elezit të cilët vlerësuan punën time në 4 vitet e shkuara dhe vendosën që të më besojnë edhe një mandat. E kam thënë një herë dhe do ta përsëris prapë, se çka kemi arritur për këto katër vite e dimë të gjithë, se sa do të arrijmë në 4 vitet e ardhshme e din vetëm Zoti…por, un besoj fuqishëm se me ndihmën e zotit dhe angazhimit dhe mirëkuptimit e të gjithë neve pavarësisht bindjeve politike mundë të arrijmë shumë më tepër. Do të vazhdojë me angazhimin dhe përkushtimin tim që të jem në shërbimin e qytetarve të komunës së Hanit të Elezit e me këtë edhe të shtetit tonë, Kosovës.
Dera e zyrës sime do të jetë gjithmonë e hapur pa orar të caktuar pune, prej agimit të mëngjesit e deri në mbrëmje, për të gjithë ata të cilët do të kenë nevojë për ndihmën tonë, që dëshirojnë të kontribuojnë dhe ndihmojnë në ecjen përpara të komunës sonë.
Të nderuar anëtarë të kuvendit të komunës së Hanit të Elezit, sot po marrim mbi vete shumë obligime, por unë besoj fuqishëm se me bashkëpunim të sinqertë do ta kryejmë me sukses misionin tonë. Në fund Këshilltarëve të zgjedhur komunal ju uroj shëndet, punë të mbarë dhe suksese në realizimin e qëllimeve tona të përbashkëta në interesin e qytetarëve.
Pas fjalës së rastit, kuvendi i komunës i vazhdoi punimet me pikën e rendit të ditës të zgjedhjes së Kryesuesit të Kuvendit të Komunës.
Për të proceduar me këtë pikë të rendit të ditës, kuvendi zgjodhi Drita Currin, Bujar Ballazhin dhe Akif Shkretën anëtarë të komisionit.
Sipas përbërjes të grupeve të këshilltarëve për propozim të kandidatit të kryesuesit të kuvendit të komunës së pari ju takoi grupit të këshilltaëve të PDK-së.
Mirsad Shkreta nga ky grup pasi që përshëndeti të pranishmit dhe falëndeoi të gjith që kontribuan në ecjen dhe të arriturat e komunës së Hanit të Elezit u deklarua se nuk do të propozojnë as një kandidat për kryesuese të kuvendit të komunës.
Nga grupi i këshilltarëve të AAK-së, Menduh Vlashi në emër të këtij grupi propozoi Qamush Bravën për kryesues të Kuvendit të Komunës.
Edhe Akif Shkreta nga grupi i këshilltarëve të VV-së dhe Hyrijete Jusufi nga grupi i këshilltarëve të LDK-së pasi përshëndetën të pranishmit u deklaruan se nuk do të propozojnë kandidat për postin e kryesuesit të Kuvendit të Komunës.
Pas deklarimit të subjekteve politike, këshilltarët me proces të mbyllur zgjedhorë votuan për propozimin nge AAK-ja që kandidate për kryesues të jetë z.Qamush Brava.
Pas procesit të votimit dhe numërimit të fletvotimeve, komisioni i emëraur konstatoi se për kandidatin Qamush Brava kanë votuar 10 këshilltarë, 4 kundër dhe 1 votë e pavlefshme.
Sipas komisionit, në një process të rregullt dhe në përputhje me vullnetin e këshilltarëve z. Qamush Brava zgjedhet Kryesues i ri i Kuvendit të Komunës së Hanit të Elezit.
Pas marrjes së detyrës së kryesuesit të Kuvendit të Komunës z.Qamush Brava iu drejtua të pranishmëve me një fjalë rasti ku ndër të tjera tha; të ndeuar të pranishëm, me lejoni që të ju falënderoj të gjith këshilltarëve për besimin e dhënë.Vota e juaj më bënë nderë dhe më jepë përgjegjësi para juve dhe para qytetarëve për të qenë i drejtë në vendime i matur në veprime dhe falënderuae për kritikë dhe mendime.Unë zotohem se do të jem në shërbim me gjith dijen mundin dhe sakrificën për të dhënë më të mirën. Në këtë kuvend do të jem zëri i qytetarit pa dallim, për të tejkaluar çdo ndarje apo mendim ndryshe tha z.Brava.
Pas fjalës përshëndetës të Kryesuesit të Kuvendit Qamush Brava përfundoi seance e parë inauguruese e kuvendit të komunës së Hanit të Elezit.
Pas përfundimit të punimeve anëtarët e rij të Kuvendit të Komunës së Hanit të Elezit bënë Homazh në Varrezat e Dëshmorëve në Puset e Nikës.
Pas marrjes së mandatit të ri dhe përfundimit me sukses të mbledhjes inaguruese të kuvendit të Komunës, Kryetari i Komunës Rufki Suma me bashkëpunëtorë bëri homazhë edhe në Varrezat e Dëshmorëve në Prekaz duke vendosur buqet lulesh dhe përkulur me respekt para Varrit të Komandantit Legjendarë të UÇK-së Adem Jasharit.
Zyra për informim
.
