Delegacioni nga komuna Hanit të Elezit në përmbyllje të vizitës në institucionet e Republikës së Shqipërisë është pritur edhe nga Kryetari i Bashkisë së Tiranës z.Lulzim Basha.
Për mua gjithmonë është moment i veçantë kur takohem më zyrtarë dhe qytetarë të Republikës së Kosovës tha z. Basha, duke uruar për mirëseardhje delegacionin nga komuna e Hanit të Elezit,
Duke prezantuar zhvillimet më të rëndësishme të qyteti të Tiranës z. Basha tha se Tirana është qyteti më i madh në Shqipëri dhe si qyteti më i madhë shqiptarë, natyrisht se ka sfidat dhe problemet e veta me të cilët duhet përballemi dhe ky është mandati kryesorë për mua si kryetarë bashkie.
Qytetit të Tiranës tashmë është trefishuar, dhe në këtë drejtim rregullimi urbanistik,krijimi i ambientit për zhvillim ekonomik, ofrim të shërbimeve sa më të shpejta për qytetarët si dhe transparenca dhe llogaridhënia janë tri pikat kryesore të aktiviteteve të bashkisë sonë.
Në kuadër të përgatitjeve për kremtimin e 100 vjetorit të Pavarësisë ne kemi filluar përgatitjet e para , kemi kontaktuar me kryetarët e Prishtinës ,Tetovës ,Ulqinit si dhe të luginës së Preshevës që të koordinohemi për aktivitete të përbashkëta për këtë përvjetorë. Janë planifikuar aktivitete të ndryshme si vendosja e shtatores së Adem Jasharit dhe shumë aktivitete tjera për të cilat do të koordinohemi edhe me pushtetin qendrorë.
Kryetari i komunës ne emer te delegacionit, pasi e falënderoj kryetarin Basha per mikëpritjen, i uroj atij 100 vjetorin e shtetit shqiptar, dhe bënë shkëmbimin e dhuratave, ku kryetari Suma i dhuroi atij disa libra per Hanin e Elezit dhe amblemën e komunes….
Qyteti i Tiranës është qytet i ri, por megjithatë ka monumentet e veta si kjo stemë e qytetit ,, Kulla e Sahatit" e ndërtuar nga tregtarët e Tiranës para 200 vjetësh, dhe sa herë që do ta shikoni këtë orë , kur të doni ju, është koha për tu kthyer sërish në Tiranë tha z. Basha.
Zyra për Informim
