Hani i Elezit 15.05.2014
Zyra e Bashkimit Evropian në Kosovë përmes instrumentit të ndihmës së para-aderimit (IPA) 2013 ka ndarë 5 milionë euro shtesë për të adresuar varfërinë dhe papunësinë afatgjate nëpërmjet masave aktive të tregut të punës duke promovuar mundësi për punë të lidhura me skemat publike të rigjenerimit që rrisin cilësinë e jetës për të gjithë banorët e Kosovës duke financuar fazën e dytë të programit të zbatuar më parë BE-Kosova e Bukur.
Komiteti drejtues i projektit “BE- Kosova e Bukur Faza e II-të (BE-KB II)” pas vlerësimit të projekt- propozimit të dorëzuara nga ana e Komunës së Hanit të Elezit dhe në përputhje me kriteret e vendosura ka aprovuar projektin:
“Fasadimi dhe renovimi i objektit të komunës së Hanit të Elezit”
Programi BE- Kosova e Bukur Faza e II-të (BE-KB II) është një projekt i financuar nga BE-ja, menaxhuar bashkërisht nga Zyra e Bashkimit Evropian në Kosovë (Zyra BE-së) dhe Organizatës Ndërkombëtare për Migrim (IOM).
Objektivi i përgjithshëm i Programit BE-KB II është që të kontribuojë në uljen e varfërisë nëpërmjet rritjes së mundësive ekonomike për popullsinë e Kosovës, veçanërisht për grupet e margjinalizuara në përputhje me Strategjitë e Zhvillimit Kombëtar dhe Rajonal dhe planeve të implementimit.
Projekti “Fasadimi dhe renovimi i objektit të komunës së Hanit të Elezit” do të mundësojnë krijimin e vendeve afatshkurtëra dhe afatmesme të punës dhe gjat implementimit do të angazhojnë përqindjen e kërkuar të fuqisë punëtore nga listat e referimeve të ofruara nga qendrat për punësim, duke i kushtuar vëmendje të veçantë përfituesve të papunë afatgjatë të regjistruar në Zyrën Komunale të Punësimit dhe gjithashtu atyre që përfshihen në kategorinë II të asistencës sociale.
Së paku 30% e vlerës së projektit do të jetë e dedikuar për fuqi punëtore përmes krijimit të vendeve pune afatshkurtëra dhe afatmesme.
Në njoftimin drejtuar Komunës së Hanit të Elezit nga zyra e projektit “BE- Kosova e Bukur Faza e II-të (BE-KB II)” njoftohet se implemntimi i projektit do të fillon pas nënshkrimit të “Marrëveshjes së Mirëkuptimit” ndërmjet Zyrës së Bashkimit Evropian në Kosovë, Organizatës Ndërkombëtare për Migrim (IOM), Ministris së Punës dhe Mirëqenijes Sociale dhe Komunës së Hanit të Elezit.
Zyra për Informim
