Komuna e Hanit të Elezit është përzgjedhur ndër 20 komunat e Republikës së Kosovës për t’iu përfshirë në trajnim “Korniza e Përbashkët e Vetë-vlerësimit (KPV)/CommonAssessmentFramework(CAF).”
Në trajnimin 2 ditorë të organizuar në Komunën e Hanit të Elezit nga Instituti i Kosovës për Administratë Publike (IKAP)dhe “Projekti i Reformës Juridike” në Kosovë i organizatës gjermane GIZ,
Pjesëmarrës në këtë punëtori ishin 20 nëpunës nga kategoritë drejtues dhe profesional të përzgjedhur nga të gjitha drejtoritë.
Modeli “Korniza e përbashkët e vetë-vlerësimit (KPV/CAF) është krijuar nga ministrit përgjegjëse për administratën publike të shteteve të BE , dhe është dedikuar për sektorin publik. Për vlerat që përçon ky model në vende të ndryshme nga Evropa, rajoni e më gjerë kanë filluar përdorimin e tij.
Ligjeruesit e kësaj punëtorie znj.Teuta Kuqi dhe z.Bujar Thaçi në prezantimet e tyre thanë se korniza e Përbashkët e Vlerësimit (CAF) është instrument i Menaxhimit Total të Cilësisë TQM i inspiruar nga Modeli i Fondacionit Evropian për Menaxhim të Cilësisë (EFQM) dhe nga modeli i Universitetit të Shkencave Administrative në Speyer, Gjermani. Është i bazuar në premisën, se rezultatet e shkëlqyera në performancën e organizatës për qytetarë/klientë, njerëz dhe shoqëri arrihen përmes strategjisë për nxitjen e lidershipit dhe planifikimit, partneritetit, resurseve dhe proceseve. Korniza vështron organizatën nga kënde të ndryshme në të njejtën kohë.
Korniza e Përbashkët e Vetë-vlerësimit ka për qëllim:
1.Të bëj njohjen e administratave publike me kulturën e përsosmërisë dhe parimeve të TQM – Menaxhimit të Përgjithshëm të Cilësisë;
2. Të udhëheq ata progresivisht deri tek cikli i plotë “PDCA” (PLANIFIKO, BËJ, KONTROLLO, VEPRO);
3. Të lehtësoj vetëvlerësimin e organizatave publike në mënyrë që të fitojnë një diagnozë dhe definim të veprimeve për përmirësim;
4. Të shërbëj si një urë mes modeleve të ndryshme të përdorura në menaxhimin e cilësisë në të dy sektorët, si në atë privat ashtu edhe në atë publik;
5. Të lehtësoj të nxënit në mes të organizatave në sektorin publik.
Punëtoria 2 ditore është menagjuar nga Koordonatorja e trajnimit znj.Jehona Podrimqaku
