Hani i Elezit 17.04.2014
Pjesëtarë të kontingjentit Polak të KFOR-it i cili është në përbërje të Detashmentit të Përbashkët Rajonal të Jugut, realizuan edhe një aktivitet humanitarë në komunën e Hanit të Elezit. Ata sollën Donacionin Humanitarë “Ndihmë për Fëmijët e Kosovës” në sasi prej 47 pakove të cilat iu dorëzuan Shoqatës “Hendikos” nga Hani i Elezit e cila do të kujdeset për shpërndarjen e tyre.
Sipas zyrtarëve të LMT-së të Hanit të Elezit të cilët ndërmjetësuan në këtë aktivitet humanitarë, këto pako përmbajnë veshje për fëmijë, lodra, si dhe material të ndryshëm shkollorë të cilat do të dedikohen për fëmijë të kategorive të ndryshme sociale.
Pjesë e këtij donacioni ishin edhe 47 pako material medicinal për QKMF “Menduh Kaloshi” në Han të Elezit i cili iu dorëzua drejtorit të kësaj qendre z.Shemsi Bushi.
Në emër të Institucionit të Komunës së Hanit të Elezit dhe përfituesve nga ky donacion falënderojmë përzemërsisht kontingjentin Polak të KFOR-it për kujdesin që të ndihmojnë komunën e Hanit të Elezit dhe për bashkëpunimin shumëvjeçarë të shkëlqyeshëm.
Zyra për Informim
