Hani i Elezit 14.10.2012
Nevoja për investime në kushte e rrethana të kufizuara ,nevoja për ndërgjegjësimin dhe komunikimi me qytetarët për ta shqyrtuar problemin me menaxhimin e mbeturinave,bënë që komuna e Hanit të Elezit të hartojë një planë për menaxhimin e mbeturinave i cili ishte e përkrahur ng Projekti Zvicër – Kosovë për përkrahje të qeverisjes lokale dhe Decentralizim LOGOS të implementuar nga Helvetas Swis INTERCOOPERATION.
Pas prezantimin të këtij plani në shtatorë të këtij viti para qytetarëve të komunës së Hanit të Elezit ku në detale ishin vlerësuar aspektet financiare dhe operacionale të kompanisë për realizimin me sukses të këtij plani dhe pas përkrahjes së fuqishme nga vet qytetarët filloi implementimi i tij.
Drejtoria e Shërbimeve Publike këtë javë në përputhje me këtë planë filloi implementimin e projektit të shpërndarjes së kontejnerëve për çdo familje të komunës së Hanit të Elezit .
Sipas këtij projekti do të mbulohen 95% të territorit të komunës,do të ketë orar të saktë të bartjes së mbeturinave ndërsa falë mbështetjes së Projektit Zvicër – Kosovë për përkrahje të qeverisjes lokale dhe Decentralizim LOGOS të implementuar nga Helvetas Swis INTERCOOPERATION prej afro 40.000 €, të gjitha familjet e komunës do të furnizohen me kontejner për mbeturina.
Sipas këtij plani secila bashkësi familjare me marrjen e kontejnerit do të nënshkruaj edhe një kontratë me të cilën do të obligohet që të paguan nga 3 € në muaj ,ndërsa bizneset do të paguajnë nga 9 € në muaj. E tërë kjo përllogaritje është bërë me çmimin minimal të kostos së përgjithshme .
Zyra për Informim
