Implementuesi i projektit- Asfaltimi i rrugës Dheu i Bardhë-Paldenicë, kompania SHPK,,MAGJISTRALJA” & “EL-BAU” nga Gjilani sot realizoi edhe shtrimin e shtresës së dytë të asfaltit të këtij segmenti rrugorë, dhe ky projekt po realizohet në afatin optimal dhe sipas standardeve të kontratës dhe afateve kohore të kontraktuara.
Po sot komuna e Hanit të Elezit realizoi edhe një projekt, atë të asfaltimit të segmentit rrugorë në Lagjen Curri , segment rrugorë që lidhë Hanin e Elezit me fshatin Dermjak.
Kryetari i komunës Rufki Suma tha se ky projekt po realizohet si përgjigjeje në kërkesën e banorëve të kësaj Lagjeje për rregullimin e kanalizimit dhe të asfaltimit të kësaj rruge e dalë nga debatet publike me qytetarët.
E kemi vlerësuar si të arsyeshme këtë kërkesë të qytetarëve pasi që përputhet edhe me planifikimet e komunës që rrugën Hani i Elezit –fshati Dermjak e ka vendosur në prioritete për realizim në vitin 2014 tha kryetari Suma.Ai tha se investimet e bëra me këto segmente rrugore se bashku me punën e jashtëzakonshme të cilën e ka realizuar FSK-ja në zgjerimin dhe trasimin e rrugës Paldenicë-Neçavcë-Dermjak do të hapin perspektiva afatgjate të zhvillimit të kësaj ane të komunës së Hanit të Elezit.
Zyra për Informim
