Hani i Elezit 23.02.2015
Kryetari i komunës Rufki Suma priti në takim pune përfaqësuesin e Fondacionit Open Data Kosovo (ODK) z.Partin Imerin.
Qëllimi i këtij takimi ishte përfshirja e komunës së Hanit të Elezit në kuadëre të projektit “Hapja e të dhënave të prokurimit”.Projekti në fjalë ka për qëllim vizualizimin e të dhënave në bazë të shpërndarjes, buxhetit, prokurimit, dhe përfituesve. Vizualizimet do të ndihmojnë të gjithë të interesuarit të mësojnë se në çka po investon komuna, kush janë përfituesit dhe cilët janë përfituesit më të mëdhenj si dhe prejardhja e parave të shpenzuara.
Projekti do të ndihmon që të shihen se nga kanë shkuar tenderët e komunave duke i lokalizuar këto kompani në bazë të lokacionit të tyre në hartën e Kosovës si dhe të bëhet krahasimi dhe analiza të dhënat ndërmjet komunave të ndryshme.
Pjesë e këtij projekti do të jenë edhe një grupë e studentëve të cilët do të angazhohen në analizën e të dhënave si dhe do të përfitojnë trajnime të duhura në Fushën e Teknologjisë Informative.
Ndërsa kryetari i komunës Rufki Suma duke e përkrahur këtë projekt shprehu gadishmërinë e komunës së Hanit të Elezit që të ofrojë të gjitha informatat e nevojshme për këtë projkt.
Projekti në fjalë tashmë është realizuar në komunat Ferizaj,Gjakovë,Gjilan,Prishtinë e Viti ndërsa përkrahet nga Ambasada Kanadeze në kuadër të projektit Forumi Kosovarë për Iniciativa Lokale dhe UNDP-ja.
Zyra për informim
