Hani i Elezit 18.09.2014
Kryetari i Komunës së Hanit të Elezit Rufki Suma morri pjesë në ceremonin e prezantimit të Projektit ”DEMOS”, ngjarje kjo e cila shënon edhe fillimin e bashkëpunimit katërvjeçarë ndërmjet Programit për Decentralizim dhe Mbështetje Komunave, financuar nga Zyra Zvicrane për bashkëpunim dhe implementuar nga Helvetas Swiss Intercooperation.
Komuna e Hanit të Elezit është njëra nga shtatëmbëdhjetë Komuna të Republikës së Kosovës, që do të marrin pjesë në projektin më të madh të financuar nga ambasada zvicerane, i cili ka për qëllim që të përmirësoj qeverisjen dhe ofrimin e shërbimeve për qytetarët në fushat:
-Shërbimet publike në mbeturina, hapësirat publike dhe trafikun komunal në komunat e përkrahura sipas prioriteteve dhe nevojave të qytetarëve.
-Komunat të përkrahen dhe të nxisin proceset demokratike dhe të aplikojnë proceset e shëndosha të menaxhimit të politikave publike dhe financave.
-Përkrahje e DEMOS-it në nivel qendror kontribuon në një kuadër politikash që është më e favorshme për qeverisje të decentralizuar.
Fusha e qeverisjes demokratike dhe decentralizimit është fusha kryesore në strategjinë për bashkëpunim e Zyrës Zvicrane për bashkëpunim dhe komunat e Republikës së Kosovës.
Vizioni afatgjatë i DEMOS-it është që administratat komunale, kryetarët dhe asambletë komunale të ofrojnë shërbime të përshtatura me nevojat e qytetarëve të tyre.
Besnik Osmani, Sekretar i Përgjithshëm i Ministrisë së Administrimit dhe Pushtetit Lokal, tha se projekti DEMOS, është i një rëndësie të veçantë për ministrinë por edhe për Komunat. Projekti i ri do të jetë në shërbim të kryetarëve të komunave në radhë të parë dhe pastaj të publikut të gjërë.
Ambasadorja e Zvicrës në Kosovë, Krystyna Marty Lang, ka thënë se janë shumë arsye pse Zvicra e mbështetë Kosovën, pasi që kanë ndërlidhje të forta njerëzorë mes dy vendeve. Ajo ka shtuar se 10 për qind e popullatës së Kosovës jetojnë në Zvicër.Marty, ka shtuar se Zvicra vazhdon të jetë alet i fortë i Kosovës në sferat publike.
Naim Ismajli, kryetar i Asociacionit të Komunave të Kosovës, ka shtuar se ky donacion i jep fuqizim Asociacionit të Komunave në shtimin e kapaciteteve. Ai tha se do të bashkëpunojnë bashkërisht që të gjitha investimet dhe projektet të reflektojnë pozitivisht në shërbimin e qytetarëve dhe në ndërtimin e një kornize politike e cila do të jetë më e përmirësuar dhe kompletuar për qeverisjen lokale.
Ndërsa Norbert Pijls, menaxher i projektit DEMOS, tha se do të përkrahen komunat duke u bazuar në parimet e performancës së komunave, duke përdorë sistemet ekzistuese të Qeverisë së Kosovës si dhe shpërblimi për vetëiniciativë nga komunat duke ofruar asistencë teknike në bazë të kërkesave të tyre.
Pas ceremonisë së prezantimit të projektit “DEMOS” është bërë edhe nënshkrimi i "Memorandumeve të Mirëkuptimit" dhe shpallja e granteve për vitin 2015.Komunat partnere në këtë projekt përveç komunës së Hanit të Elezit do të jenë edhe: Prishtina, Kamenica, Novobërda, Graçanica, Lipjani, Vitia, Kacaniku, Peja, Gjakova, Rahoveci, Ranilluga, Parteshi, Kllokot, Mamusha dhe Juniku.
Për kryetarin e komunës së Hanit të Elezit Rufki Suma nënshkrimi i “Memorandumit të Mirëkuptimit”në kuadër të projektit DEMOS vlerësohet si shumë e rëndësishme.Kryetari Suma tha se për katër vite kemi qenë pjesë e projektit LOGOS prej së cilës kemi fituar shumë si në aspektin financiar në implementimin e shumë projekteve konkrete por edhe në aspektin e përvojës dhe ekspertizës profesionale për komunën e Hanit të Elezit.
Shpesojmë se edhe në kudër të këtij projekti komuna e Hanit të Elezit do të konkurojë me projekte konkrete implementimi i të cilave do të jenë ndihmesë e madhe në zhvillimin e komunës së Hanit të Elezit tha kryetari Suma.
Zyra për Informim
