Ministria e Administrimit të Pushtetit Lokal si aktere kryesore për përkrahjen, monitorimin dhe efikasitetin e komunave të Republikës së Kosovës, ka parë të arsyeshme që të organizojë Panairin e Komunave, i cili është i një rëndësie të veqantë pasi që organizohet për herë të parë në Republiken e Kosovës.
Panairi i komunave është një rast unik në të cilin komunat e Republikës së Kosovës do të kenë mundësin që të paraqesin dhe prezantojë komunën e tyre, shërbimet e tyre ndaj qytetarëve, investitorëve të ndryshëm, grupeve të biznesit, grupeve të interesit dhe akterëve tjerë të interesuar. Në këtë panair secila komune do të ketë hapësiren e saj për të prezentuar komunën në rradhë të parë, Strategjitë dhe planet e zhvillimit ekonomik lokal, Planet zhvillimore urbane, zonat apo parqet industriale, zhvillimin ekonomik lokal, prezentimin e mundësisë për të bërë biznes në atë komunë, nxitjen e investimeve të mundshme dhe fushat se ku mund të investohet, prezentimin e zonave të turizmit, aktivitetet e kulturës dhe festivalet tradicionale, turnetë dhe garat sportive.
Panairi i llojit te tillë paraqet një mundësi e mirë për komunat që të prezantojnë veten para vizitoreve të panairit, duke i njoftuar ata me veçorit e komunës se tyre, dhe i cili prezentim do të ndikonte në mënyrë direkte në nxitjen e zhvillimit ekonomik lokal dhe regjional, turizmit në vendet apo qytetet që kanë resurse dhe vende turistike, nxitjen e investimeve dhe përmirësimin e sherbimeve të administratës komunale ndaj qytetarëve në rend të parë.
Në hapjen e Panairit të Komunave ishte edhe Presidentja Atifete Jahjaga e cila tha;
,,Ju përgëzoj për mbajtjen e kësaj konference ndërkomunale dhe ndërkombëtare që është bërë tradicionale. Shkëmbimi i përvojave dhe i të arriturave në vetëqeverisjen lokale, shfrytëzimi i potencialeve dhe kapaciteteve tuaja, ndihmon që kompetencat e bartura nga pushteti qendror në nivel komunal të shfrytëzohen me qëllim të ofrimit të shërbimeve për qytetarët, të hapjes së perspektivës dhe të bashkëpjesëmarrjes në vendimmarrje.
Panairi tradicional vë në pah vlerat tuaja tradicionale, veçoritë dhe karakteristikat e secilit mjedis të cilat në diversitetin tonë na bashkojnë dhe na bëjnë që Kosovën ta ndjejmë dhe ta kemi atdhe tonin të përbashkët.”
Zyra për informim
