Reshjet e dendura të shiut që goditën Komunën e Hanit të Elezit që nga orët e mëngjesit shkaktuan vërshime dhe dëme serioze në shumë zona të komunës.
Nga po thaujse të gjitha lagjet dhe fshatrat e komunës është raportuar për gjendje alarmante si në dëmtimet në infrastrukturën publike por edhe raste të rrezikut të drejtpërdrejt në shumë shtëpi.Më e rëndë paraqitet zona e Lagjes së re e cila është goditur nga vërshimet e Përroit të Rezhancës.
Kjo gjendje emergjente mobilizoi tërë kapacitetin e komunës së Hanit të Elezit të cilat të koordinuara nga Drejtori i Drejtorisë së Shërbimeve Publike Refet Kalisi që të ju dalë në ndihmë zonave më të rrezikuara. Kësaj gjendje emergjente iu bashkuan edhe Kompanitë e Komunës së Hanit të Elezit për tu përballur me situatën e krijuar.
Duke qenë se situata ishte e rënduar në shumë zona të Komunës, Kompanitë e komunës së Hanit të Elezit angazhuan mekanizimin e tyre duke vepruar në parandalimin e dëmeve më të mëdha dhe atë Kompania “Luri” e cila veproi në zonën e fshatit Gorancë e Laç, Kompania “Krasi” e cila veproi në zonën e fshatit Dimcë, Kompania “Preni Komerc” e cila veproi në zonën e fshatit Seqishtë dhe Krivenik dhe Xhevdet Dernjani i cili veproi në zonën e fshatit Paldenicë.
Komuna e Hanit të Elezit me këtë rast falënderon këto kompani të cilat u angazhuan në këto momente shumë kritike për të dalë në ndihmë për shumë banorë të këtyre vendbanimeve. Fatkeqësisht në Lagjen e Re e cila është edhe më e godituar nga këto vërshime është e pamundur që për momentin të intervenohet për shkak të rrjedhes së madhe të ujit nga Përroi i Rezhancës.
Hiq më e mirë nuk paraqitet gjendja edhe në rrugën Megjistrale Hani i Elezit –Kaçanik në të cilën tash e sa ditë në vazhdimësi ka shembje të dheut dhe gurëve.
Reshjet e shiut edhe në zonat tjera të Kosovës ka bërë që edhe niveli i Lumit Lepencë të arrijë në pikën kritike. Po ashtu është rritur shumë edhe niveli i të gjitha rrjedhjeve të ujit në të gjithë përronjët e Komunës së Hanit të Elezit si ajo e Fhatit Seqisht, Dimcë e Lagje Uji i Thart.
Duke e vlerësuar gjendjen shumë kritike Komuna e Hanit të Elezit ftonë të gjithë qytetarët që të angazhohen në mënyrë që kjo gjendje e krijuar të tejkalohet me sa më pak dëme.
Zyra për informim
