Hani i Elezit 28.02.2013
Kryetari i Komunës së Hanit të Elezit Rufki Suma priti në takim pune z. Fidaim Fazliun përgjegjës i Shoqatës Humanitare “Human Appeall Internationale”(HAI) me seli në Ferizaj.Ky takim është realizuar me ftesë të Kryetarit Suma, i cili në emër të komunës së Hanit të Elezit ndanë “Mirënjohje” Shoqatës Humanitare “Human Appeall Internationale”(HAI) për kontributin humanitarë dhënë banorëve të Komunës së Hanit të Elezit.
Shoqata humanitare ,,Human Appeall Internationale”(HAI) nga Emiratet e Bashkuara Arabe ka shënuar një prani të nderuar në fushën e bamirëse dhe aktiviteteve humanitare jo vetëm në nivel lokal e rajonal por edhe atë global. Kjo shoqatë gëzon një status këshillues në këshillin ekonomik në Kombet e Bashkuara dhe anëtarësimi i përhershëm në Këshillin Botëror Islamike për avokim dhe lehtësim,vëzhguese në Bordin e Guvernatorëve të Fondit Ndërkombëtar për Zhvillimin Bujqësor (IFAD), si dhe anëtar i Këshillit ndërkombëtar të Organizatave Vullnetare (ICVA). Për më tepër kjo shoqatë ka nënshkruar marrëveshje të ndryshme dhe memorandume të mirëkuptimit me organizatat ndërkombëtare si: UNICEF, Organizata Botërore e Shëndetësisë (OBSH) dhe Komisionerit të Lartë për Refugjatët (UNHCR).Miratimi i qasjes transparente dhe kriteret e cilësisë të projekteve të aplikuara nga HAI në organizata të ndryshme ndërkombëtare janë përkrahur dhe lavdëruar,si dhe përkrahur përpjekjet e saja dhe për të hyrë në marrëveshje të bashkëpunimit dhe partneriteteve me Zyrën e Komisionerit të Lartë të OKB-së për Refugjatë (UNHCR ), Organizata Botërore e Shëndetësisë (OBSH), Programi Botëror i Ushqimit i OKB-së (WFP), dhe Mjekët pa Kufi (MSF).Marshimi i palodhshëm i HAI është mbushur me arritjet evidente që nuk mund të kufizohet në këto rreshta të numëruara dhe buzëqeshja në fytyrat e dhjetë milionë e përfituesve nga projekteve e HAI që janë të shpërndara në të gjithë botën do të mbeten dëshmi e pamohueshme.
,,Human Appeall Internationale”(HAI) aktivitetin e sajë humanitarë e ka të shtrirë edhe në shumë komuna të Kosovë ku njëra ndër ta është edhe komuna e Hanit të Elezit.
Fidaim Fazliu përgjegjës i shoqatës HAI me seli në Ferizaj tha se misioni i kësaj shoqate janë vlerat e bamirësisë ,buzëqeshja e një jetimi, shprehja e kënaqësisë në fytyrën e një skamnori. Me komunën e Hanit të Elezit bashkëpunojmë që nga viti 2006, fillimisht me ndihmë për 17 fëmijët e familjeve të dëshmorëve dhe fëmijëve bonjakë, ndërsa sot shoqata HAI ndihmon 32 fëmijë të komunës së Hanit të Elezit. Përveç ndihmës financiare për këta fëmijë bonjakë, organizojmë edhe kurse edukimi,shëtitje e ekskursione ,vizitohen familjet, pra në përgjithësi aktivitete që ndihmojnë në zhvillimin e tyre arsimorë, shëndetësorë e socialë.Ndihmojmë edhe familje tjera me nevojë me shpërndarje të mishit dhe mjete financiare nga sadakatul-fitër. Ajo që kemi gjetur në komunën e Hanit të Elezit dallon prej komunave tjera,ngase përkujdesi për këtë kategori të fëmijëve është shumë më i madhë tha z. Fazliu.
Fillimisht fëmijët i dërgonim në Ferizaj me automjete të TMK-së dhe takimet i mbanim në kazermat e TMK-së tha kryetari i komunës Rufki Suma duke përkujtuar fillimin e bashkëpunimit me HAI. Me marrjen e mandatit si kryetarë i komunës këtë bashkëpunim e kemi vendosur në nivel institucional. Shfrytëzoj rastin së pari të përgëzojë për aktivitetin human të Shoqatës HAI, dhe njëherit të ju falënderojë në emër të fëmijëve dhe familjeve të cilat janë ndihmuar nga kjo shoqatë dhe në emër të komunës së Hanit të Elezit për bashkëpunimin shumë të sinqertë me ju tha kryetari Suma.
Jam shumë i bindur se bëmirësia e juaj për këtë kategori të banorëve të komunës së Hanit të Elezit tejkalojnë vlerën e Mirënjohjes sonë, por me këtë mirënjohje dëshirojmë të dëshmojmë respektin tonë për vlerën e lartë të shoqatës HAI, për të gjithë atë që jeni duke bërë për ata që kanë nevojë për ndihmën e juaj dhe shoqërisë në tërsi.
Zyra për Informim
