Kuvendi i Komunës së Hanit të Elezit mbajti mbledhjen e nëntë të rregullt për vitin 2015.
Nën kryesimin e kryesuesit të Kuvendit z.Qamush Brava, Kuvendi i Komunës për rendë të ditës shqyrtoi:
1.Miratimin e procesverbalit nga mbledhje e kaluar.
2. Shqyrtimi i Projekt-Buxhetin për vitin 2016 dhe parashikimet buxhetore për vitet 2017-2018 për Komunën e Hanit të Elezit.
3.Shqyrtimi i planit të punës së Kuvendit të Komunës për vitin 2016.
4.Shqyrtimi i informatës mbi fillimin e vitit të ri shkollorë 2015/2016.
5.Shqyrtimi i informatës për korrje shirjet.
6.Pyteje dhe përgjigjeje.
Në punën e kuvendit në emër të ekzekutivit morën pjesë Nënkryetari i Komunës Menduh Vlashi dhe Drejtorët e Drejtorive përkatëse të Komunës së Hanit të Elezit.
Me propozim të grupit të këshilltarëve të VV-së me shumicë të votive rendi I ditës është plotësuar edhe me pikën;
Deklaratë e Kuvendit të Komunës së Hanit të Elezit lidhur me formimin e Asociacionit të Komunave Sërbe.
Pas miratimit të procesverbalit Drejtori për buxhet dhe financa Shabi Rexhallari para këshilltarëve prezentoi propozim vendimin për miratimin e Projekt-Buxhetin për vitin 2016 dhe parashikimet buxhetore për vitet 2017-2018 për Komunën e Hanit të Elezit.
Sipas tij Buxheti i përgjithshëm i Komunës së Hanit të Elezit për vitin 2016 është në shumë prej 2,066,396 €, ndërsa parashikimet buxhetore për vitin 2017 janë në shumë prej 2,089,737 € dhe për vitin 2018 janë në shumë prej 2,115,611 €. Në strukturën e të hyrave të tërësishme buxhetore për vitin 2016 sipas pikës I të këtij propozim vendimi, mjetet nga grantet qeveritare janë në shume prej 1,786,396 €, që shënojnë pjesëmarrje në shumë prej 86.45%, ndërsa nga të hyrat vetanake komunale në shumë prej 280,000 € apo 13.55%. Projekt-Buxhetin për vitin 2016 dhe parashikimet buxhetore për vitet 2017-2018 për Komunën e Hanit të Elezit hyn në fuqi pas miratimit nga Kuvendi i Komunës.
Këshilltarët e kuvendit të komunës së Hanit të Elezit me disa vërejtje dhe propzime konkrete si dhe me disa propozime të daluar nga debatet publike me qytetarët miratoi Projekt-Buxhetin për vitin 2016 dhe parashikimet buxhetore për vitet 2017-2018 për Komunën e Hanit të Elezit
Këshilltarëve të Kuvendit të Komunës iu prezentua edhe informata mbi fillimin e vitit shkollorë.
Sipas Drejtorit të Drejtorit të DAK-së Irfan Qajani, viti shkollor 2015/16 ka filluar më datën 01.09.2015 sipas vitit kalendarik të hartuar nga MASHT-i , gjithashtu edhe në komunën e Hanit të Elezit mësimi ka filluar në të gjitha shkollat fillore dhe të mesme sipas planifikimit.
Në kuadër të përgatitjeve për fillim të vitit shkollor 2015/16, në muajin Gusht u bë edhe kompletimi i kuadrit arsimor për plotësimin e vendeve të lira të parapara nga ana e drejtorëve të shkollave dhe DKA-s. Për plotësimin kuadrit arsimor në nivel komunal kanë qenë 4 vende të lira, prej të cilave dy ishin zëvendësim pushim të lehonisë. Prej tyre 1 është pranuar arsimtar i rregullt në SHFMU “Ilaz Thaçi” Pararelen Krivenik , 2 prej tyre zavendësim të pushimit të lehonisë. Në SHFMU “Kështjella e Ditirisë” Paldenicë është pranuar 1 arsimtar i rregullt.
Paralelja në Pustenik është mbiullur për shkakt të numrit të vogel të nxënësve (gjithsejtë 3 nx)
Edhe këtë vit librat janë siguruar falas nga MASHT-i nga klasa e parë (Kl-I-) deri në klasën e nëntë (Kl-IX-).
Të gjitha shkollat janë pajisë me material pedagogjik, mjete higjienike dhe materiale tjera të nevojshme.
Këshilltarët e Kuvendit të Komunës morrën informatën për korrje shirjet për vitin 2015.Në inters të këshilltarëve ishte se sa ekzekutivi i komunës po përkrah bujqit e Hanit të Elezit për të cilën Drejtori i DBPZHR-së tha se komuna e Hanit të Elezit në përputhe me mundësit e saja është duke përkrahur bujqit perms kategorisë së subvencioneve,Ai tha se ndoshta jemi komuna e vetme në kosovë që ka përkrahë bujqit të cilët kanë pas të mbjellura më pak se 2 Ha dhe atë me 130€ për ha.
Kuvendi i komunës së Hanit të Elezit me shumicë të votave miratoi Deklaratën e propozuar nga nga grupi i këshilltarëve të VV-së.
Në Deklatatën të cilën e lexoi këshilltari i VV-së Mirsad Shkreta thuhet:
DEKLARATË
1. I ashtuquajturi Asoiciacioni/Zajednica i/e komunave me shumicë serbe shprehë themelimin e një etniteti juridik të themeluar mbi bazën e pastrimit etnik te shqiptarëve nga pjesa veriore e qytetit të Mitrovicës.
2. Themelimi i një Asociacioni të tillë, krahas dëmit juridiko-administrativ dhe organizimit shtetëror që i bënë Republikës së Kosovës si shtet me karakter unitar të përkufizuar me Kushtetutë, juridizon formalizimin e një strukture juridike me tipare etnike. Me këtë karakter tani më të përkufizuar me Marrëveshjen e Brukselit dhe me marrëveshjen e fundit të datës 25 gusht 2015, Republika e Kosovës po bëhet shtet diskriminues ndaj shumicës shqiptare, por edhe ndaj qytetarëve të tjerë që janë shtetas të Republikës së Kosovës.
3. Themelimi i këtij Asociacioni/Zajednicë me pushtet të ndërmjetëm e tejkalon çdo qëllim të organizimit të pushtetit lokal si organizim themelor administrativ. Qëllimi i këtij etniteti legal nuk është asgjë tjetër veçse një strukturë formale me baza etnike që përjashton të gjithë qytetarët të tjerë që nuk janë të përkatësisë kombëtare serbe.
4. E themeluar me përmbajtje tërësisht në kundërshtim me Kushtetutën e Republikë së Kosovës, legjislacionin pozitiv nga fusha e organizimit të pushtetit lokal dhe atij përkitazi me financat publike të pushtetit lokal, Kartës Evropiane Për Vetëqeverisje Lokale (Strasburg, 15 tetor 1985).
5. Kuvendi i Komunës së Hanit i Elezit nxjerrë qëndrim për arsyet e mësipërme:
5.1 Kuvendi i Komunës së Hanit i Elezit nuk do të njoh një formacion juridik i quajtur Asociacion/ Zajednicë e Komunave me Shumicë Serbe, duke përfshirë vendimet që do të merren nga organet e këtij konstruksioni formal kundërkushtetues;
5.2 Kuvendi i Komunës së Hani i Elezit zotohet se nuk do të mbajë asnjë raport me strukturat e këtij organizimi kriminal dhe me prapavijë të spastrimit etnik;
5.3 Kuvendi i Komunës së Hani i Elezit i bënë thirrje Qeverisë së Kosovës që të heqë dorë nga cilido veprim i cili do t’i kontribuojë themelimit të Asociacionit/Zajednicës;
5.4 Kuvendi i Komunës së Hani i Elezit i bënë thirrje Qeverisë së Kosovës se në vend që të ndajë buxhet për strukturat e tilla me të kaluar dhe të tashmën kriminale, të ndaj fonde për kthimin e qytetarëve të pjesës veriore të qytetit të Mitrovicës;
6. Kjo Rezolutë do të hyjë në fuqi datën e miratimit të saj nga Kuvendi i Komunës së Hani i Elezit.
