Hani i Elezit 14.07.2014
Komuna e Hanit të Elezit që nga orët e mëngjesit i është bashkangjitur apelit të Bordit Drejtues në kërkim të drejtësisë ndërkombëtare për gratë e dhunuara gjatë luftës në Kosovë për mbledhjen e nënshkrimeve për peticionin “Kërkojmë drejtësi për gratë e dhunuara në Kosovë”, që të bëjë thirrje Sekretarit të Përgjithshëm të OKB-së që të fillojë hetimet për përdhunimin e grave gjatë Luftës në Kosovë.
I pari që vuri nënshkrimin në këtë peticion ishte Kryetari i komunës Rufki Suma. Ai me këtë rast përsëriti apelin e Bordit Drejtues ku ftohen qytetarët që përmes nënshkrimit të këtij peticioni të kontribojnë për ndëshkimin e padrejtësive që janë bërë ndaj shoqërisë dhe kulturës shqiptare nga okupatori serb. Kryetari Suma njëherit kërkoi nga strukturat komunale, këshillat lokale të vendbanimeve dhe fshatrave, OJQ-të e komunës së Hanit të Elezit, që të gjithë të angazhohen në senzibilizimin e rëndësisë së nënshkrimit të peticionit “Kërkojmë Drejtësi Ndërkombëtare për Gratë e Dhunuara gjatë Luftës së fundit në Kosovë” dhe të nisim dhe të kërkojmë drejtësi për padrejtësinë për Gratë e Dhunuara gjatë Luftës së fundit në Kosovë”
Ndërsa Ajete Berisha zyrtare për Barazi Gjinore në Komunën e Hanit të Elezit tha se në bazë të instruksioneve të marra nga Qeveria e Kosovës dhe Ministria e Administrimit të Pushtetit Lokal, është themeluar ekipin komunal i cili do të udhëheq me punën për mbledhjen e nënshkrimeve për peticionin “Kërkojmë drejtësi për gratë e dhunuara në Kosovë. Eshtë themeluar bordi komunal për realizimin e peticionit që udhëhiqet nga kryetari i komunës me mbështetjen e zyrës per barazi gjinore ndërsa aktiviteti në tendën e grumbullimit të nënshkrimeve do të përkrahet nga katër zyrtarë të tjerë komunal.
Ky ekip është themeluar me vendim të Kryetarit Rufki Suma i cili i ka dhënë mbështetje të fuqishme aksionit të mbledhjes së nënshkrimeve.
Ekipi Komunal do të jetë i vendosur gjatë tërë ditës në sheshin më të frekuentuar të qyetetit të Hanit të Elezit para objektit të komunës dhe për këtë ftojmë të gjithë qytetarët komunës së Hanit të Elezit që të nënshkruajnë këtë peticion i cili nga e hëna deri të premten do të realizohet në tërë territorin e Republikës së Kosovës tha znj.Berisha.
Zyra për Informim
