Në kuadër të konsultimeve të rregullta, komuna e Hanit të Elezit në dabat publik të organizuar sot në shtëpin e kulturës "Imri Curri" prezentoi para qytetarëve tre dokumente për të marrë edhe mendimin e tyre :
1. Shqyrtimi i strategjisë komunale për personat në nevoja të veçanta 2016-2019
2.Shqyrtimi i plotësim ndryshimit të rregullorës për organizimin e komunës me këshillat e fshatrave, vendbanimeve dhe lagjeve urbane.
3. Shqyrtimi i revidimit të planit për menaxhimin e mbeturinave.
Në debatin publik ku morrën pjesë kryetari i komunës Rufki Suma me Drejtorin e Shëndetësisë dhe Mirëqenijes Sociale Muzafer Dernjani, Drejtorin e Administratës Fari Kalisi dhe Drejtorin e Shërbimeve Publike dhe Emergjencë Civile Refet Kalisi qytetarët paten mundësi që të japin komentet e tyre në dokumetet të cilat kanë kaluar leximin e pare në kuvendin e komunës dhe priten të shqyrtohen në séancën e radhës.
Drejtori i Shëndetësisë dhe Mirëqenijes Sociale Muzafer Dernjani tha se qëllimi i hartimit të këtij plani është përmirësimi i cilësisë së jetës për Personat me Aftësi të Kufizuara në Komunën e Hanit të Elezit . Ky dokument strategjik është një mjet i rëndësishëm në përpjekjet e Institucioneve Komunale për të krijuar një politikë më efektive, të qëndrueshme dhe të koordinuar në fushën e të drejtave të personave me aftësi të kufizuara. Ky plan mundëson përqendrimin më të madh të vëmendjes tek të drejtat e Personave me Aftësi të Kufizuara dhe në intensifikimin e përpjekjeve të gjithanshme të Institucioneve drejt respektimit të plotë të këtyre të drejtave.
Ndërsa Drejtori i Administratës Fari Kalisi tha se shqyrtimi i plotësim ndryshimit të rregullorës për organizimin e komunës me këshillat e fshatrave, vendbanimeve dhe lagjeve urbane ka për qëllim të rregullojë organizimin dhe bashkëpunimin e komunës me fshatrat, vendbanimet dhe lagjet urbane në territorin e komunës, në ushtrimin e aktiviteteve që janë ekskluzivisht në kompetencë vetanake të komunave, të përcaktuara në bazë të ligjit për vetëqeverisjen lokale. Ai tha se nga përvoja e mandatit të parë janë konstatuar disa mangësi të cilat përmes plotësim ndryshimet e propozuar pritet të eliminohen.
Shqyrtimi i revidimit të planit për menaxhimin e mbeturinave ngjalli më shumë debat të pjesmarrësit.
Kryetari i komunës Rufki Suma tha se për komunën e Hanit të Elezit, që nga fillimi i funksionimit të saj, menaxhimi i mbeturinave është konsideruar si një sfidë me të cilën kjo komunë duhej të përballej dhe të gjejë një zgjidhje afatgjatë. Nevoja për investime në kushte e rrethana të kufizuara financiare, nevoja për ndërgjegjësimin e qytetarëve por edhe problemet në interpretimet ligjore kanë bërë që kjo sfidë të jetë aktuale edhe sot e kësaj dite. Sidoqoftë, angazhimi i komunës si institucion që të vihet në shërbim të qytetarëve asnjëherë nuk është vënë në pyetje, pa marrë parasysh sfidat dhe problemet qoftë financiare, funksionale apo ligjore.
Në këtë drejtim përgatitja e një dokumenti për menaxhimin e mbeturinave vetëm sa e dëshmon seriozitetin dhe përkushtimin e komunës së Hanit të Elezit që këtij problemi t’i qaset me tërë kapacitetin e vet për një strategji afatgjatë të menaxhimit të mbeturinave.Në këtë drejtim kryetari Suma para qytetarëve prezentoi sfidat aktuale si dhe zgjedhjet e mundëshme që problemi me menagjimin me mbeturinat të zgjedhet sa më shpejtë.
Nga pjesmarrësit në debat u dhanë shumë propozime dhe rekomandime në dokumetet e prezentuara ndërsa debatin e moderoi konsulenti nga Projekti i DEMOS-it z.Visar Sutaj.
