Hani i Elezit 15.06.2013
Me qëllim të ofrimit të shërbimeve sa më të mira për banorët, komuna e Hanit të Elezit ka filluar realizimin e projektit të renovimit të aneksit të objektit të komunës e cila do të shndërrohet në Qendër për Shërbim të Qytetarëve.
Performansa e mirë e komunës së Hanit të Elezit në indeksin e konkurrencës së Komunave në vitin 2012 rezultoi me shpërblim stimulues nga USAID-i në vlerë prej 45.000 $ të cilat ekzekutivi i komunës së Hanit të Elezit ka vendosur që t’i investoj në ndërtimin e QSHQ-së.
Kjo qendër do të funksionojë në parimin “të gjitha shërbimet në një vend” dhe do të angazhohen të gjithë zyrtarët të cilët për nga përshkrimi i detyrave të punës kanë shërbimin ndaj qytetarëve.
Sipas projektit të dizajnuar kjo qendër do të ketë lidhje funksionale me pjesën tjetër të objektit të komunës dhe do të ketë edhe një sallë plotësuese për nevoja të kuvendit të komunës.
Me funksionalizimin e kësaj qendre komuna e Hanit të Elezit synon realizimin e objektivit kryesorë që banorëve të sajë të ju mundësojë shërbime të plota dhe të shpejta .
Zyra për Informim
