Hani i Elezit 03.06.2014
Komuna e Hanit të Elezit, në bashkëpunim me Zyrën Regjionale të OSBE-së në Gjilan, organizuan punëtori njëditore lidhur me “ Procesin e përgatitjes së Buxhetit për vitin 2015”
Në këtë punëtori ku morrën pjesë Nënkryetari i Komunës Menduh Vlashi, drejtorët e drejtorive përkatëse, kryetarët e fshatrave dhe vendbanimeve të komunës së Hanit të Elezit, nga Zyra për Barazi Gjinore, anëtarë nga Grupi Jo Formal të Grave si dhe nga Këshilli Lokal për Veprim Rinorë, u diskutua Procesi Komunal i Hartimit të Buxhetit në Komunën e Hanit të Elezit.
Punëtorinë e hapi z.Artan Binaku, nga Zyra Regjionale e OSBE-së në Gjilan i cila tha se procesi i përgatitjes së buxhetit për vitin 2015 është një proces shumë i rëndësishëm që nënkupton edhe bashkërendimin e aktiviteteve siç janë konsultimet me publikun, dëgjimet publike, aspektet e buxhetimit të përgjegjëshëm gjinorë si dhe publikimin e dokumenteve .
Ndërsa nënkryetari i Komunës Menduh Vlashi, Hartimin dhe miratimin përfundimtarë të buxhetit për vitin vijues e konsideron së ndër aktivitete më të rëndësishme të ekzekutivit dhe legjislativit.Ai vlerëson se në këtë proces pjesëmarrja e të gjith akterëve është e domosdoshme nga se ky dokument përcakton kahet e zhvillimit dhe të implementimit të projekteve në komunë.Për këtë arsye z.Vlashi thekson se komuna do ti përmbahet të gjitha obligimeve dhe afateve Ligjore si dhe do të kërkojë ndimën dhe mendimin e qytetarëve në tërë procesin e hartimit të këtij dokumenti.
Para pjesëmarrësve në këtë punëtori Drejtori për Buxhet dhe Financa Shabi Rexhallari shpalosi udhëzimet e para, kalendari kohor si dhe kufijtë fillestar të financimit për përgatitjen e buxhetit të propozuar komunal dhe kërkesës për ndarje buxhetore për vitet 2015-2017. Ai tha se perveç Qarkores Buxhetor nr. 2015/01, për komunat, jemi shërbyer edhe me KASH 2015-17 të Kosovës, si dhe në dokumentet e rëndësishme strategjike të komunës si Plani Zhvillimor Komunal dhe Plani Rregullativ Urban.
Të hyrat buxhetore në total për vitin e parë 2015,parashikohen të jenë në shumë prej 2,001,200 €, duke shënuar një progres të rritjës nominale prej 126,505 € ose për 6.75%, ndërsa financimi komunal në vitin 2015, shikuar sipas burimit: nga Granti qeveritar shuma prej 1,744,947 € ose 87,19% dhe nga THVK shuma prej 256,258 € ose në strukturë një pjesëmarrje prej 12.81%.
Pas prezantimit të z.Rexhallari të planifikimit fillestar të financimit për përgatitjen e buxhetit të propozuar komunal dhe kërkesës për ndarje buxhetore për vitet 2015-2017, nga pjesmarrësit në këtë punëtori kishte edhe propozime konkrete si dhe zotim të përbashkë për të kontribuar përmes diskutimit të hapur dhe rekomandimet në fazat e ardhëshme për avansim konkret të këtij dokumeti të rëndësishëm për Komunën e Hanit të Elezit.
Zyra për Informim
