Hani i Elezit 19.07.2011
Duke u bazuar në kërkesën Nr.654/11 të datë 19.04.2011 për marrjen e pëlqimit në Planin Zhvillimor të Komunës së Hanit të Elezit,Ministria e Mjedisit dhe Planifikimit Hapësinorë,pas dhënies së Pëlqimit Mjedisor të Raportit për Vlerësimin Strategjik Mjedisorë dhe duke shqyrtuar Planin Zhvillimorë Komunalë,dhe duke u bazuar në Ligjin për Planifikim Hapsinorë 2003/14 dhe Ligjin Nr03/L-106 Për Ndryshimin e Ligjit për Planifikim Hapësinorë Ministria e Mjedisit dhe Planifikimit Hapësinor pas verifikimit të përputhshmërisë së Planit Zhvillimorë të Komunës së Hanit të Elezit me Planin Hapësinor të Kosovës vendosë
–Për Dhënien e Pëlqimit për Planin Zhvillimorë të Komunës së Hanit të Elezit
Drejtoria për Planifikim Urban dhe Mbrojtje të Mjedisit i Komunës së Hanit të Elezit ,përmes Shkresës Nr.654/11 të datës 19.04.2011 e ka sjellë Projekt Planin Zhvillimorë të komunës së Hanit të Elezit,dhe Komisioni për dhënien e pëlqimit konstatoi se:
-I plotëson kushtet ligjore të parapara me Ligjin për planifikim Hapësinorë mbi procedurat e hartimit të dokumenteve të Planifikimit Hapësinorë
-Është në përputhshmëri me Planin Hapësinorë të Kosovës
-I plotëson kushtet e parapara me nenin 13 të Ligjin për Planifikim Hapsinorë Nr.2003/14 dhe nenin 9 dhe 19 të Ligjit Nr.03/L-106 për ndryshimin e Ligjit pë Planifikim Hapësinorë
-Është në pajtim me Udhëzimin administrativ nr.33 pë zbatimin e Ligjit për Planifikim Hapsinorë mbi elementet themelore të Planit Zhvillmorë të Komunës
Duke u prononcuar për këtë vendim të MMPH,Drejtori i Drejtorisë për Urbanizëm dhe Kadastër Miqail Vila tha se ky vendim ka një vlerë tjetër të veçantë pasi që PZHK është i përpiluar nga stafi komunal me ndihmën expertëve të UN-HABITAT-it projekt ky i financuar nga SIDA-Suedeze dhe është produkt i një pune gati dy vjeçare.
Jemi të bindur se tash e tutje Komuna e Hanit të Elezit do të ketë një dokument shumë të rëndësishëm strategjik ,në të cilin janë projektuar në mënyrë specifike aspektet e zhvillimit afatgjatë të Komunës sonë.
Zyra për Informim
