Hani i Elezit 29.02.2012
Programi i Kombeve të Bashkuara mbi Vendbanimet Njerëzore UN-HABITAT dhe komuna e Hanit të Elezit nënshkruan sot:
,,Memorandum Mirëkuptimi”
për zbatimin e programit të UN-HABITAT-it për Mbështetjen e Planifikimit Hapsinorë Komunal (Faza3) e financuar nga Qeveria e Suedisë nëpërmjet Sidas.
Ky,, Memorandum Mirëkuptimi” do të mundëson vazhdimin e metodave dhe proceseve të aplikuara në projektet që kanë për synim forcimin e kapacitetit të komunës për planifikim dhe menaxhim.
Zhvillimi i qëndrueshëm do të jetë në ballë të projekt-propozimeve ,me theks të veçantë aspekteve të qëndrueshmërisë mjedisore,shoqërore dhe ekonomike në zbatimin e projekteve.
UN-HABITAT-i përmes Programit për Mbështetjen e Planifikimit Hapsinorë Komunal synon të përmirësojë efektivitetin e përpjekjeve të planifikimit hapsinorë dhe të ndërtojë kapacitete profesionale të stafit lokal dhe të shoqërisë civile për një pjesmarrje aktive në proceset e planifikimeve dhe të veprimeve lokale.Zhvillimi i qëndrueshëm i komunës në nivelin e përgjithshëm,në atë urban dhe të komunitetit, përmirësimi i kushteve jetësore të qytetarëve, kohezioni social, barazia socilale dhe gjinore si dhe mbrojtja e resurseve natyrore ,me një qeverisje të mirë në ofrimine shërbimeve do të jenë objektivi i përgjithshëm i këtij memorandumi.
Në këtë drejtim si fushë specifike bashkëpunimit do të jetë:
Hartimi i Planit Rregullues Urban për Qendrën dhe Lagjen e Parkut
Hartimi i këtij plani do të mundësojë rregullimin , kontrollimin dhe menaxhimin e qështjes së zhvillimit të hapësirës dhe të trafikut.Në bazë të synimeve për zhvillim afatgjatë të caktuara nga PZHU , ky plan do të jetë një instrument për zhvillim dhe kontrollë ,rritje ekonomike dhe do të adresojë edhe qështjet mjedisore.
Pjesë e këtij ,,Memorandum Mirëkuptimi” do të jetë edhe hartimi i një studimi gjithëpërfshirës i cili do të ekzaminojë intervenimet, projektet dhe propozimet që lidhen me qështjen e furnizimit me ujë.
Me këtë,, Memorandum Mirëkuptimi” do të realizohet edhe një projekt për invesime kapitale që do të identifikohet nga planet komunale të veprimit.
Zyra për Informim
