Komuna e Hanit të Elezit dhe Projekti për Decentralizim dhe Përkrahje Komunave (DEMOS) financuar nga SDC-ja (Swiss Agency for Development and Cooperation), dhe e cila zbatohet nga Helvetas Swiss Intercooperation sot nënshkruam kontratën e bashkëpunimit për realizimin e projektit :
“Rehabilitimi i rrugicave në fshatrat Dimcë dhe Seçishtë” të Komunës së Hanit të Elezit.
Ky projekt ka për synim zhvillimin dhe përmirësimin e më tejmë të infrastruktures në komunën e Hanit të Elezit.
Qeveria e Zvicrës me shumë projekteve të realizuara në komunën e Hanit të Elezit përmes LOGOS-it dhe tani si vazhdimësi me DEMOS-in është bërë aleat i forte i komunës së Hanit të Elezit në zhvillimin e gjithmbarshëm dhe me investimet dhe projektet konkrete po reflektonë pozitivisht në shërbimin e qytetarëve.
Projekti DEMOS-i në kuadër të bashkëpunimit me komunën e Hanit të Elezit synon të përmirësojë qeverisjen dhe ofrimin e shërbimeve edhe fushat vijuese: hapësira publike, mobilitet, menaxhim të mbeturinave, menaxhim financiar dhe demokraci lokale.
Me nënshkrimin e kontratës nga ana e z.Norbert Pijls në emër të Fondacionit Zvicran dhe kryetarit të Komunës së Hanit të Elezit, z.Rufki Suma, përcaktohen kushtet e zbatimit të këtij projekti sipas Memorandumit të Mirëkuptimit të nënshkruar ndërmjet projektit DEMOS dhe komunës së Hanit të Elezit.
