Hani i Elezit 17.09.2014
Kryetari i komunës së Hanit të Elezit Rufki Suma, priti sot në takim pune z.Djordje Karan, Zyrtarë i lartë për Siguri Publike nga Misionin e OSBE-së në Kosovë dhe z.Gazmend Preteni, Asistent i programit në Departamentit për Siguri Publike nga Misionin e OSBE-së në Kosovë.
Zyrtari i lartë për Siguri Publike nga Misionin e OSBE-së në Kosovë z.Karan e njoftoi kryetarin Suma lidhur me rëndësinë e themelimit të Komiteteve Lokale për Siguri Publike (KLSP-ve). Ai tha se sipas informatave të këtij misioni janë 20 komuna të cilat ende nuk i kan të temeluara këto komitete. KLSP-të, do të kenë rolë të rëndësishëm të ndihmoj qytetarët në bashkëpunim të ngushtë me Policinë e Kosovës, për të ngritur nivelin e sigurisë në çdo lagje dhe në çdo bashkësi ku jetojnë pa dallime në tërë komunën. Lidhur me këtë, z.Karan pohoi se ndjenja e të qenit i sigurt në shtëpi, punë ose në rrugë është një nga aspektet më të rëndësishme të sigurisë së bashkësisë. Sipas tij, Misioni i OSBE-së në Kosovë përmes Departamentit për Siguri Publike do të ndihmojë në themelimin e Komiteteve Lokale për Siguri Publike si dhe së bashku me Policinë e Kosovës do të bëjë përpjekje për të informuar sa më shumë qytetarët për rëndësinë e KLSP-së, duke ngritur vetëdijesimin e publikut për KLSP-të për rolin e tyre për përmirësimin e sigurisë dhe jetës brenda komuniteteve.
Ndërsa kryetari i komunës Rufki Suma edhe një herë falënderoi Misionin e OSBE-së në Kosovë për tërë përkrahjen e dhënë, duke theksuar bashkëpunimin shumë të mirë në shumë fusha në interes të zhvillimit të komunës së Hanit të Elezit. Kryetari Suma tha se komuna e Hanit të Elezit i ka kushtuar vëmendje të veçantë promovimit dhe krijimit të ambientit dhe kushte sa më të sigurta të jetës për të gjithë. Për këtë qëllim, jemi ndër pak komunat e Kosovës ku Këshilli Komunal për Siguri në Bashkësi funksionon me shumë sukses. Ky këshill është i themeluar në bazë të udhëzimit administrativ dhe për dallin nga shumë komuna tjera, anëtarët angazhohen në baza vullnetare dhe për më tepër takimet e këtij këshilli janë të rregullta dhe në baza mujor.Ka pasur shumë iniciativa nga ky këshill të cilat kanë rezultuar me projekte konkrete dhe me shumë sukses tha z.Suma.
Komuna e Hanit të Elezit do të përkrahë iniciativën për themelimin e Komiteteve Lokale për Siguri Publike (KLSP-ve) e cila do të ndikojë në përmirësimi i sigurisë dhe përkrahja e fushatave të vetëdijesimit të publikut në mënyrë që të promovohen kushte më të sigurta të jetës për të gjithë qytetarët tha kryetari Suma.
Nga takimi doli dhe pajtimi që të organizohet edhe një seminar me qëllim të rritjes së bashkëpunimit në mes të KKSB-së dhe PK-së me qëllim të forcimit të komunikimit në mes të këtyre aktorëve si dhe të hap diskutimet për përfitimet e mundëshme të komunës dhe shoqërisë në fushën e sigurisë publike .
Zyra për Informim
