Hani i Elezit 16.05.2013
Komuna e Hanit të Elezit në bashkëpunim me projektin e Qeverisë Zvicrane LOGOS dhe me qëllim të implementimit sa më të mirë të “Rregullores për organizimin dhe bashkëpunimin e komunës me Fshatrat, Vendbanimet dhe Lagjet Urbane në territorin e komunës së Hanit të Elezit” organizoi tryezë pune më udhëheqësit e zgjedhur të këshillave lokale të komunës së Hanit të Elezit.
Moderatori i këtij takimi z.Mentor Rexhepi tha se me këtë rregullore organizohet bashkëpunimin në nivelin nën-komunal dhe është hartuar në përputhje me Ligjin për Vetëqeverisje Lokale e cila ju siguron komunave të drejtën të përcaktojnë marrëveshjet me vendbanimet për përmirësimin e shërbimeve komunale.
Kryetari i komunës Rufki Suma tha se komuna do të përkushtohet në zbatimin e plotë të rregullores në mënyrë që të sigurohet mënyrë e re e komunikimit dhe e bashkëpunimit ndërmjet vendbanimeve tuaja dhe komunës si institucion. Kryetari Suma tha se është shumë e rëndësishme përfshirja e juaj gjatë planifikimeve të buxhetit komunal në procesin e propozimeve të projekteve kapitale sipas prioriteteve dhe mundësive buxhetore. Komuna e Hanit të Elezit në bashkëpunim të drejtpërdrejt me ju, shpreson të rrisë transparencën, efikasitetin si dhe do të ofrojë shërbime më të mira për qytetarët tha z.Suma.
Drejtori i Administratës Fari Kalisi para udhëheqësve të zgjedhur edhe një herë elaboroi rregulloren e miratuar duke potencuar në veçanti rolin dhe kompetencat e tyre si dhe obligimet e komunës. Ai me këtë rastë përfaqësuesve të zgjedhur iu shpërndau edhe një doracak i cili përmbante gjashtë fusha ku udhëheqësit e zgjedhur mundë të japin kontributin e tyre.
Ndërsa Drejtori për buxhet dhe financa Shabi Rexhallari i njoftoi pjesëmarrësit me buxhetin e komunës së Hanit të Elezit si dhe me procedurat e planifikimeve buxhetore. Drejtori Rexhallari tha se në procesin e planifikimeve janë të parapara dëgjimet publike ku kontributi i juaj do të jetë shumë i rëndësishëm. Edhe Drejtori për Urbanizëm dhe Kadastër Miqail Vila i njoftoi pjesëmarrësi me projektet e planifikuar për këtë vit si dhe dinamikën e realizimit të tyre. Drejtori Vila tha se gjatë implementimit të projekteve përfshirja e këshillave lokale mundë të jetë shumë i fuqishëm sidomos në aspektin e monitorimit të kulitetin e zbatimit të tyre.
Në takim është potencuar edhe roli i gruas në planifikimet buxhetore.Në këtë drejtim znj. Merita Barileve zyrtare nga projekti LOGOS prezantoi konceptin e buxhetimit të përgjegjshëm gjinorë duke propozuar mekanizmat e nevojshëm për aplikimin e BPGJ dhe për të siguruar interesat e femrave dhe propozimet e tyre të merren parasysh gjatë proceseve të ndryshme të planifikimit dhe vendim-marrjes.
Zyra për Informim
