Hani i Elezit 23.01.2013
Kryetari i Komunës së Hanit të Elezit Rufki Suma , priti në takim pune z. Norbert Pijls koordinatorin e projektit Zvicër – Kosovë Përkrahja për Qeverisje Lokale dhe Decentralizim (LOGOS) që është pjesë e programit shtetëror të Agjencisë Zvicerane për Zhvillim dhe Bashkëpunim (SDC) në Kosovë.
Dy bashkëbiseduesit u dakorduan se bashkëpunimi i deritanishëm ishte në nivelin më të lartë dhe falë këtij bashkëpunimi janë realizuar një mori të projekteve shumë me rëndësi në komunën e Hanit të Elezit. Kryetari Suma edhe një herë shfrytëzoi rastin që në emër të qytetarëve të komunës së Hanit të Elezit të falënderojë Qeverinë Zvicerane për ndihmën e dhënë komunës sonë.
Në anën tjetër z. Pijls njoftoi kryetarin se projektit Zvicër – Kosovë, Përkrahja për Qeverisje Lokale dhe Decentralizim (LOGOS) , edhe për këtë vit ka identifikuar fusha të bashkëpunimit me komunën e Hanit të Elezit , duke përmendur përkrahjen në zbatimin e Rregullores për bashkëpunimin e komunës me vendbanimet , fshatrat dhe lagjet urbane. Ai tha se në ditët në vijim do të ketë një takim të përbashkët edhe me komunat tjera partnere në projekt , ku do të prezantohen edhe planet për investime në projekte gjatë vitit 2013 të cilat do të përcillen me marrëveshje mirëkuptimi.
Kryetari i komunës Rufki Suma njoftoi mysafirin për sa i përket zbatimit të Rregullores për bashkëpunimin e komunës me vendbanimet , fshatrat dhe lagjet urbane , komuna tashmë ka ndërmarrë disa aktivitete siç janë Vendimi i Kuvendit të Komunës për miratimin e kësaj rregulloreje, Vendimi Kuvendit të Komunës për emërimin e komisionit për monitorimin e zgjedhjeve në përputhje me këtë rregullore si dhe kam zhvilluar takim me Administratorët aktual të cilët i kam informua për këto vendime tha z. Suma. Në takim me Administratorët aktual kam hasë në gatishmërinë e tyre që të ndihmojnë në mënyrë aktive në zbatimin e këtyre vendimeve të kuvendit të Komunës.
Në takim u biseduan edhe çështje tjera në interes të vazhdimit të bashkëpunimit shumë të mirë ndërmjet komunës së Hanit të Elezit dhe LOGOS-it
Zyra për Informim
