Kryetari i komunës së Hanit të Elezit Rufki Suma, priti në takim z.Kreshnik Basha shef i Misionit të Caritas Zviceran në Prizren dhe z.Albert Bakalli Përgjegjës i projektit të Caritas-it.
Në mënyrë që të promovohet një edukimi gjithëpërfshirës parashkollor në Kosovë, në përputhje me standardet e zhvillimit dhe të mësuarit në fëmijërinë e hershme dhe për ta lehtësuar integrimin e fëmijëve në sistemin e edukimit parafillor në Kosovë, Komuna Hani i Elezit dhe Caritas-i Zviceran sot nënshkruan „Marrëveshje“ për implementimin e Projektit“ Edukimi parashkollor në Komunën Hani i Elezit për periudhën 2015-2017“.
Bazuar në rezultatet pozitive të katër (4) fazave të projektit të implementuar, për të kontribuar në Komunën Hani i Elezit, të dy partnerët e projektit angazhohen për të kontribuar në zhvillimin dhe zbatimin e suksesshëm të këtij bashkëpunimi të projektit në mënyrë që të arrihen objektivat e projektit.
Sipas marrëveshjes Caritas-i Zviceran do të bëjë mobilimin/paisjen e klasave parafillore duke ofruar pajisje moderne, që të kontribuojnë në zbatimin e arsimit të detyrueshëm në Kosovë, zbatimi i një trajnimi profesional “Të mësuarit dhe zhvillimi i fëmijës përmes lojës” me bazë praktikën që është i licencuar nga MASHT-i, për edukatore/mësuese parashkollore, në përputhje me kurrikulën dhe standardet e edukimit parashkollor në Kosovës dhe të ketë një fokus të veçantë në edukimin gjithëpërfshirës të fëmijëve në sistemin shkollor publik.
Ndërsa komuna e Hanit të Elezit përkatësisht DKA-ja në bashkëpunim me shkollat, do të sigurojë lokalet e nevojshme në të gjitha objektet të përfshira në projekt, në mirëmbajtjen me cilësi dhe të qëndrueshme të të gjitha klasave parafillore, me një fokus të veçantë në edukimin gjithëpërfshirës të fëmijëve.
Sipas kësaj “Marrëveshje”, e cila mbulon periudhën nga Tetor 2015 deri në Shtator 2017, Caritas-i Zviceran
-Pajtohet të mbështesë Komunën Hani i Elezit në zhvillimin e strategjisë parashkollore dhe të kontribuojnë në zbatimin e arsimit të detyrueshëm në Kosovë;
-Të pajis klasat parafillore të reja në shkollat/qendrat parashkollore të konfirmuara nga kërkesa me kriteret e përmbushura nga ana e DKA-së.
-Të ofrojë trajnimi intenziv profesional “Të mësuarit dhe zhvillimi i fëmijës përmes lojës” me bazë praktikën që është i licencuar nga MASHT-i, për edukatore/mësuese parashkollore, në përputhje me kurrikulën dhe standardet e edukimit parashkollor në Kosovë.
