Hani i Elezit -28.12.2010
21 vjetori I themelimit të klubit të mundjes ,,SHARRI’’ nga Hani I Elezit si dhe sukseset e jashtëzakonshme të këtij klubi në vitin 2010, ishin një rast I shkëlqyer që me një manifestim rasti të organizuar nga ky klub dhe Komuna e Hanit të Elezit , të tubohen shumë anëtarë të këtij klubi dhe sportdashës e mysafirë tjerë të ftuar,për ti ururar këtij klubi përvjetorin dhe për sukseset a arritura dhe njëherit për të zgjedhur sportistin e vitit 2010 në Komunën e Hanit të Elezit
Duke uruar për mirëseardhje ,mysafirët I përshëndeti Kryetari I klubit Sadat Curri ,ndërsa një historik të shkurtër të këtij klubi e prezantoi anëtari I kryesisë Ahmet Kalisi.
Komuna e Hanit të Elezit edhe pse me një buxhet të vogël e të kufizuar ka gjetur dhe do të gjejë mënyra për të përkrahur të gjitha ato institucione sportive që për synim do të kenë promovimin e sportit të mirëfilltë dhe përpjekjet për të arritur rezultate sa më të mira ,ishin fjalët e Kryetari të Komunës Z.Rufki Suma.
E veçanta e këtij takimi ishte edhe promovimi I Monografisë ,, Aty ku u kalitën Kampionët” të Autorit Fadil Curri.
Monografia për Klubin e Mundjes ,,Sharri” është edhe një vepër e radhës e autorit Fadil Curri por kësaj radhe me temë të veçantë, atë të ecjes së nje klubi sportiv nëpër kohë ,ishin fjalët e Shaban Çupit për këtë vepër,ndërsa vetë autori Fadil Curri me një emocion të veçantë tha se ky klub e ka merituar këtë monografi në mënyrë qe të përkujtojmë të gjithë ata që kontribuan qe sot ky klub të ngjitet në piedestalin më të lartë kombëtarë ,por që edhe gjeneratat që vijnë të kuptojnë se sukseset arrihen vetëm atëherë kur të përkushtohesh dhe sakrifikohesh për një qëllim.
Për të gjithë ata që kontribuan që klubi I Mundjes ,,Sharri “ sot është Kampione e Republikës së Kosovës në të gjitha kategoritë ,Klubi shpërbleu me nga një mirënjohje.
Dhe në fund të këtij tubimi anëtarët e komisionit Komunal të Hanit të Elezit njëzëri vendosën që
– Klubit Futbollistik ,,Sharri” të shpërblehet me- Mirënjohje-për promovimin e sportit të futbollit në Komunën e Hanit të Elezit.
– Në Kategorinë -Klubi I vitit 2010 –Klubi I Mundjes ,,SHARRI’’
– Në Kategorinë – Trajneri I vitit 2010 – Ferat Ramadani- Trajner I Klubit të Mundjes ,,SHARRI”
Dhe në baze të rezultateve të arritura në vitin 2010
Sportist I Vitit 2010 në Komunën e Hanit të Elezit shpallet
BUNJAMIN BERISHA -Anëtarë I Klubit të Mundjes ,,SHARRI”
Zyra për Informim
Kryetari i Komunës Rufki Suma Shpërblenë Sportistin e Vitit Bunjamin Berisha
