Hani i Elezit 13.11.2012
Komuniteti i biznesit e komunës së Hanit të Elezit takohet me kryetarin Rufki Suma për të koordinuar aktivitetet për festimin sa më të denjë të 100 Vjetorit të Shtetit Shqiptarë dhe Ditën e Flamurit.
Duke e vlerësuar këtë festë si ngjarje me rëndësi të veçantë dhe me qëllim që këtij manifestimi gjithëkombëtarë të i përgjigjemi me një atmosferë sa më festive, komuniteti i biznesit në takim me kryetarin Suma, deklaruan gatishmëri që me kontribute vullnetare dhe organizative të bëhen pjesë e këtij manifestimi.
Duke iu përgjigjur kësaj gatishmëri kryetari Suma njoftoi të pranishmit se komuna e Hanit të Elezit ka filluar përgatitjet për të shenuar këtë përvjetorë të rëndësishëm të kombit Shqiptarë.
Ai tha se duke pas parasysh se Hani i Elezit është qyteti i parë në kufirin me Maqedonin kemi planifikuar që rruga kryesore dhe qyteti i Hanit të Elezit të jenë të stolisura me flamuj kombëtarë ,është në përgatitje e sipër edhe agjenda për programin muzikorë dhe argëtues ashtu që qytetarëve të komunës sonë të ju sigurojmë një atmosferë festive dhe e cila do të mbahet me datë 28 Nëntor . Gadishmërija e juaj që të kontribuoni në këtë kremtim është gjithsesi e mirëseardhur tha z. Suma.
Nga komuniteti i biznesit e formua këshilli organizativ i cili morri për obligim që të bashkërendoj aktivitetet me komunën në mënyrë që ky manifestim të jetë sa më i suksesshëm dhe i denjë për këtë përvjetorë të rëndësishëm kombëtarë.
Zyra për informim
