Hani i Elezit 17.09.2013
Procesi i përgatitjes së buxhetit komunal, sfidat gjatë përgatitjes dhe pjesëmarrja aktive të publikut, gjatë këtij procesi të vendimmarjes, ishte tema e punëtorisë organizuar nga sektori për vetqeverisje lokale e OSBE-së në Kosovë me anëtarë të Komitetit për Politik e Financa (KPF), zyrtar komunal dhe kryetar të këshillave të fshatrave të lagjeve dhe lagjeve urbane të komunës së Hanit të Elezit.
Në takim morrën pjesë edhe kryesuesi i kuvendit të komunës Menduh Vlashi dhe nënkryetari i komunës Muzafer Dernjani.
Artan Binaku, nga zyra e OSBE-së në Gjilan, tha se kjo organizatë gjatë monitorimit të komunave ka ardhur deri te disa të dhëna lidhur me organizimin e takimeve publike në komunat e Kosovës dhe nga këto të dhëna konstatohet se ka përparime të theksuara në komunat e Kosovës në angazhimin e tyre për pjesmarrjen e qytetarëve në proceset e vendimarrjes në komuna.
Duke spjeguar metodologjin e përpilimit të këtij monitorimi, z.Binaku theksoi se komuat e Kosovës janë duke kuptuar rëndësin e pjesmarrjes së qytetarëve në proceset e vendimarrjes, duke u bazuar në faktin se në krahasim me vitin 2011, në vitin 2012 kishte pothuaj se dyfish më shumë takime publike.
Megjith këto të dhëna nga bashkëbiseduesit është konstatuar se pjesmarrja e publikut duhet të jetë më kontributdhënëse sidomos në fazat e përgatitjes së planifikimeve buxhetore.
Me këtë rastë roli i kryetarëve të këshillave të fshatrave të lagjeve dhe lagjeve urbane mundë të jetë shumë i rëndësishëm.
Për kryesuesin e kuvendit z.Vlashin dhe nënkryetarin z.Dernjani, miratimi i rregullores për bashkëpunimin e komunës me fshatrat, lagjet dhe lagjet urbane të komunës së Hanit të Elezit si dhe formimim i këshillave të fshatrave përmes një procesi legjitim dhe transparent ka qenë me qëllim të bashkëpunimit sa më të mirë dhe pjesmarrjes sa më të madhe të banorëve në proceset e vendimmarrjes.
Edhe nga përfaqësuesit e këshillave lokale,Nusret Shiti,Fehmi Meliqi e Qani Kryeziu u dhanë propozime dhe ide konkrete për përmirësimin e pjesmarrjes në tubimet publike dhe proceset vendimarrëse.
Nga takimi dolën edhe rekomandime për komunën që të përgatisë dhe të shpallë publikisht orarin e takimeve publike, në përputhje me Ligjin mbi Menaxhimin e Financave Publike dhe përgjegjësitë si dhe qarkoren buxhetore, në fillimin e procesit të zhvillimit të buxhetit vjetor, në mënyrë që të lejojë kohë të mjaftueshme për njoftimin publik të mbledhjeve.
U dhanë edhe rekomandimet për shoqërinë civile që të jenë sa më aktiv në proceset e Rishikimit të Qarkoreve buxhetore vjetore për tu siguruar me njohjën me afatet e zhvillimit të lidhura buxhetore dhe detyrimet e konsultimit publik në mënyrë që të rrisë kapacitetin për monitorim efektiv dhe vlerësimin e procesit të zhvillimit të buxhetit.
Zyra për Informim
