Hani i Elezit 13.09.2012
Nën organizimin e Zyrës Regjionale të OSBE-së në Gjilan ,Komitetet konsultative dhe komiteti për komunitet të Komunës së Hanit të Elezit mbajtën sot një punëtori lidhur me funksionimin dhe rolin e komiteteve konsultative dhe komitetit për komunitete në avancimin e punës së kuvendit të komunës.
Pas fjalëve përshëndetëse të kryesuesit të kuvendit z. Menduh Vlashi dhe nënkryetarit të komunës
z. Muzafer Dernjanit ,koordinatori i projektit z. Veton Vehapi tha se qëllimi i kësaj punëtorie është që të bëhet një vlerësim i aktiviteteve të deritanishme të këtyre komuniteteve si dhe të hulumtohen mundësit për avancim të mëtejmë të punës së komiteteve.
Bajrush Laçi, Zyrtarë Ligjorë në komunën e Hanit të Elezit në prezantimin e tij para anëtarëve të këtyre komiteteve tha se duke u bazuar në LVL-n , Komitetet Konsultative janë trupa ndihmëse të themeluara nga Kuvendi i Komunës, të cilat njëkohësisht japin propozime dhe mendimet e tyre rreth çështjeve me interes të nivelit lokal, gjithmonë duke pasur parasysh mbulimin e kompetencave të cilat i janë dedikuar administratës lokale.
Në këtë kontekst mundë të gjejmë hapësirën e nevojshme që këto komitete të ndikojnë drejtpërsëdrejti tek qytetarët dhe grupet e tjera të interesit, që të marrin pjesë në procesin e vendimmarrjes për interesa publike.
Pas një debati të frytshëm të anëtarëve të komiteteve ishte vlerësim i përbashkët se këto komitete duhet të reflektojnë për gjendjen dhe zhvillimet e përgjithshme në komunë dhe medoemos duhet të ju paraprijnë me ide dhe propozime ekzekutivit dhe legjislativit të komunës .
Zyra për Informim
