Hani i Elezit 07.12.2011
Komisioni për të drejtat, interesat e komuniteteve dhe për kthim i Parlamentit të Republikës së Kosovës i udhëhequr nga zëvendëskryetari i parë z.Elmi Reçica vizituan të martën komunën e Hanit të Elezit dhe u pritën nga kryetari i Komunës Rufki Suma.
Mysafirët njoftuan z,Sumën se qëllimi i këtij takimi është që për së afërmi të mësojnë se si po zbatohen ligjet që kanë të bëjnë me përdorimin e dygjuhësisë si dhe masat e rekomanduar nga Qeveria e Republikes se Kosovës ne lidhje me procesin e integrimit të personave te kthyer apo te riatdhesuar.
Komuna e Hanit të Elezit është duke bërë të gjitha përpjekjet e mundshme që të jetë në bashkëveprim me institucione e Kosovës në përmbushjen e obligimeve dhe respektimin e ligjeve tha kryetari i komunës Rufki Suma . Në këtë kontekst komuna e Hanit të Elezit kishte emëruar një zyrtar për kthim dhe komunitete ,por më vonë, me kërkesë të Qeverisë së Kosovës dhe me vendim të Kuvendit të Komunës kemi hapur zyrën për kthim dhe komunitete. Edhe përkundër numrit të madhe të qytetarëve tanë që punojnë në vende të ndryshme të botes, kemi informata se shumica dërmuese e tyre kanë të rregulluar statusin e tyre në ato vende. Nga kjo ka rezultuar edhe numri i vogël i personave të kthyer që janë lajmëruar në zyrën tonë për asistencë apo ndihmë tjetër.
Zbatimi i Ligjit të dygjuhësisë përkatësisht përdorimi i sajë në komunën e Hanit të Elezit nuk është duke u zbatuar, për faktin se si për komunën si institucion ,ashtu edhe për qytetarët e komunës se Hanit të Elezit është i papranueshëm emërtimi në gjuhën serbe Gjeneral Jankoviq.
Kryetari Suma me tej njoftoi se edhe përkundër kërkesave dhe insistimeve tona të pareshtura për vite me radhë në të gjitha institucionet relevante te Republikës së Kosovës nuk kemi hasur në gadishmëri për zgjidhjen e këtij problem . Së fundi iu kemi drejtuar edhe Gjykatës Kushtetuese dhe presim me shumë shpresë se më në fund do të zgjedhim edhe këtë problem shumë të ndjeshëm për ne.
Komuna ka miratuar edhe rregulloren për përdorimin e gjuhëve ne institucionet e komunës ,por se zbatimi i saj ka mbetur pengë i zgjidhjes së problemit të emërtimit. Këto shqetësime i kam përcjellë edhe te institucionet ndërkombëtare dhe kam kërkuar mirëkuptimin e tyre .
Deri sa nuk hiqet nga përdorimi emërtimi i kriminelit Jankoviq, komuna jonë nuk do te përdor dygjuhësinë dhe se ne asnjë vend nuk do te lejohet te përdoret mbishkrimi gjeneral jankoviq. Me mirë është qe ne si ekzekutiv dhe Kuvendi i Komunës si organ vendimmarrës te mos lejojmë përdorimin e këtij emërtimi sesa kjo ti lihet qytetarëve te cilët do te mundë të përdorin edhe forma tjera duke mos përjashtuar protestat dhe format tjera me ekstreme.
Z.Elmi Reçica zëvendëskryetarë i parë i Komisionit për të drejtat ,interesat e komuniteteve dhe për kthim i Parlamentit të Kosovës tha se detyra e këtij komisioni është që të marrë informata për gjendjen momentale në zbatimin e ligjeve dhe se ne raportin përfundimtarë do te konstatoj se nuk është duke u zbatuar ligji për përdorimin e dygjuhësisë.
Sigurisht se raporti do të përmbaj edhe shqetësimet e juaja si dhe arsyet që ju i prezantuat para nesh. Ne si anëtarë të këtij komisioni ju inkurajojmë që të gjendet ndonjë modalitet në mënyrë që të respektohet dhe zbatohet ligji. Në projektin e Shtetit të Kosovës janë edhe pjesët e kompromiseve dhe ne si shoqëri i kemi pranuar ata .
Me një koordinim dhe angazhim të përbashkët mundë të dëshmojmë se respektojmë të gjitha ata që dëshirojnë të bashkëjetojnë me ne.
Me një koordinim dhe angazhim të përbashkët mundë të dëshmojmë se respektojmë të gjitha ata që dëshirojnë të bashkëjetojnë me ne.
Me përkushtimin tonë duhet ti bindim bashkëqytetaret tanë,sidomos në veri të Kosovës, se të jetuarit brenda institucioneve të Republikës së Kosovës do të jetojnë ma mirë, dhe se ne jemi ata që do të kujdesemi për mirëqenien e tyre si qytetare tanë tha në fund z,Reçica
Zyra për Informim
.
