Hani i Elezit 22.01.2014
Kryetari i komunës së Hanit të Elezit, Rufki Suma është takuar sot me Komandantin e Detashmentit të Përbashkët Rajonal të Jugut (JRD) të KFOR-it, kolonelin Zorlu Topaloglu.
Takim i cili kishte karakter njohës, ishte rast që të bisedohet për bashkëpunimi e ndërsjellë në fushën e sigurisë, si dhe për aspekte tjera të përgjithshme.
Koloneli Zorlu Topaloglu, tha se është ndër vizitat e para të cilat po i realizon që nga marrja e detyrës dhe për këtë tha se kemi arsye, kemi marrë shumë informata të mira rreth zhvillimeve në komunën e juaj dhe sukseset të cilat i keni arritur. Jeni kryetarë i vetëm i cili ka fituar si kandidat i pavarur në zgjedhjet lokale dhe kjo është dëshmi e besimit të cilën e keni marrë nga qytetarët. Kjo është edhe një arsye më shumë të takohem me ju dhe të ju urojë për punë dhe suksese të reja.
Kryetari Suma, pasi i falënderoi për vizitën, uroi ushtarakët e KFOR-it, për misionin e tyre shumë të rëndësishëm që janë duke e realizuar në Kosovë. “Bashkëpunimi i im me KFOR-in, ka qenë gjithmonë i mirë dhe i tillë do të vazhdoj të mbetet”, tha mes tjerash kryetari Suma dhe vlerësoi lartë punën e KFOR-it në Kosovë, si dhe bashkëpunimin me njësinë e KFOR-it, LMT në komunën e Hanit të Elezit.Kryetari Suma e njoftoi ushtarakun e Lartë Turk, me një letërnjoftim të shkurtë të komunës së Hanit të Elezit, rrjedhat e përgjithshme institucionale, zhvillimet dhe të arriturat në Han të Elezit.
Kryetari Rufki Suma dhe koloneli Topaloglu, u shprehën të gatshëm për bashkëpunim të vazhdueshëm në interes të sigurisë së përgjithshme të qytetarëve.
Zyra për Informim
