Kryetari i komunës Rufki Suma priti sot z.Sain Bagci Komandant i Detashmentit Rajonal të Përbashkët të KFOR-it, Jug(DRP-J).
Duke i uruar mirëseardhje, Kryetari Suma e njoftoi Ushtarakun e Lartë të KFOR-it me zhvillimet e përgjithshme në komunën e Hanit të Elezit.
Kryetari Suma tha se gjatë këtyre viteve të themelimit të Komunës së Hanit të Elezit janë realizuar shumë projekte të cilat kanë ndikuar në rritjen e mirëqenijes së qytetarëve.Ai tha se kjo është arritur falë invesimeve të cilat janë bërë nga instiucione vendore dhe donatorëve të ndryshëm ndërkombëtarë si Komisioni Evropian, Logosi,USAID-i edhe shumë donator tjerë. Kontribut në zhvillimin e komunës kemi përfituar edhe nga Qeveria e Republikës së Turqis përmes Projektit Tika tha z.Suma.
Kryetari Suma edhe një konfirmoi bashkëpunimin shumë të mirë me njësit e LMT-së si pjesë e Detashmentit Rajonal të Përbashkët të KFOR-it ,Jug të cilët edhe i falënderoi për përkrahjen e dhënë.
Ndërsa Komandant i Detashmentit Rajonal të Përbashkët të KFOR-it ,Jug(DRP-J) z.Sain Bagci tha se nga paraardhësit e tij dhe nga njësia e LMT-së në Han të Elezit ka marrë informata shumë të mira për komunën e Hanit të Elezit dhe kjo është edhe arsyeja e vizitë sot Ai tha se për të realizuar të gjitha këto të arritura duhet përkushtim i fuqishëm dhe përkrahje e madhe .Ai me këtë rast shprehu edhe respektin e tij personal për angazhimet e kryetarit Suma në këto zhvillime pozitive.
Për musafirin në interes ishin edhe sfidat me të cilën po përballet komuna e Hanit të Elezit, për të cilën kryetari Suma tha se ato janë papunësia e lartë dhe nevoja për të investuar në shumë fusha për të cilën komuna e Hanit të Elezit kërkon edhe përkrahjen e donatorëve.
