Hani i Elezit 30.03.2012
Këshilli Komunal për Siguri në Bashkësi mbanë takimin e tretë të rregullt për vitin 2012 ,dhe kishte për rendë të ditës:
-Siguria e përgjithëshme në komunë,
-Përmbledhje e aktiviteteve në tremujorin e parë të vitit 2012 të KKSB-së
-Reagimi i Komunës lidhur me përdorimin e vulës kufitare me mbishkrimin Gj.Jankovic
– Të ndryshme.
Nehat Suma Komandant i Nënstacionit Policorë të Hanit të Elezit ,njoftoi anëtarët e KKSB-së se gjendja e përgjithëshme e sigurisë vazhdon të jetë në nivelin më të mirë të mundëshëm.Ai tha se nuk ka ndonjë rastë të veçantë të cilin duhet prezentuar si thyerje e rëndë e gjendjes së përgjithëshme të sigurisë.
Në këtë drejtim edhe z. Faik Kuka nga Policia Kufitare tha se gjendja e përgjithëshme në vendkalimin kufitarë të Hanit të Elezit mbetet e sigurtë pa ndonjë rastë të veçuar.Për z.Kukën shqetësim për momentin paraqet gjendja në stacionin hekurudhorë në Hanë të Elezit ,apo përdorimi i hapësirës së zonës doganore nga qytetarët për kalim të hekurudhës duke anashkaluar mbikalimin .Në takim nga dy zyrtarët policorë u përmendë edhe dukuria e marrjes së derivateve nga cisternat transportuese,duke u potencuar se do të kërkohet më shumë përgjegjësi nga kompanit e sigurimit të cilë janë të angazhuara për këtë qëllim.
Drejtori i Drejtorisë për Shërbime Publike, Rufat Shkreta njoftoi anëtarët e KKSB-së se në përputhje me planin e veprimit të KKSB-së për vitin 2012 ,është realizuar fushata për vetëdijësimin në komunikacion. Ai me këtë rastë tha DSHP-ja në bashkëpunim me DAKRS-ën ,shkollën e mesme ,,Dardania”,shkollën fillore ,,Ilaz Thaçi” si dhe në bashkëpunim me Policinë e Kosovës me datë 26.03 2012 dhe 27.03.2012 kanë realizuar një vargë të aktiviteteve si vendosjen e billbordeve me moton e adoptuar për këtë fushtë ,,Kujdes në Trafik,Jeto pa Panikë”,tabela me porosi nga nxënësit ,aktivitete kulturore dhe sportive, shenjëzimi i zebrave të qytetit si dhe është realizuar një ligjeratë e Policisë së Kosovës me nxënësit e shkollës fillore ,,Ilaz Thaçi”.Numri i madhë i pjesmarrësve në këto aktivitete na siguron se kemi arritur që të përçojmë mesazhin të cilin e kishim planifikuar me këtë fushatë. z.Shkreta shfrytëzoi rastin që në emër të KKSB-së të falemënderoj Organizatën ,,SAFERWORLD” e cila ishte sponzoruese e këtyre aktiviteteve,duke shtuar se ,,Saferworld” së bashku me ,,FIQ”-in kan filluar me realizimin e projektit ,,Vendosja e Kamerave Monitoruese “ në shkollat e Komunës së Hanit të Elezit , me ç’rastë do të realizohet edhe një nga pikat e planit të veprimit të KKSB-së për vitin 2012.
Lidhur me zhvillimet të cilat ndodhën gjatë muajit Mars në vendkalimin kufitarë në Hanë të Elezit ,përkatësisht vendosja e vulave në pasaporta me mbishkrimin Gjeneral Jankoviç për qytetarët Kosovarë, anëtarët e KKSB-së i njoftoi kryetari i komunës Rufki Suma.Ai me këtë rastë tha se ky ishte një veprim i cili shumë shpejtë rrezikoi që në masë të madhe të çrregulloj gjendjen e përgjithëshme të sigurisë, gjë që na detyroi që me urgjencë të reagojmë në mënyrë që mos të ketë ndonjë eskalim të situatës.
Që me marrjen e informatave iu kam drejtuar institucioneve më të larta të shtetit që me urgjencë të ndalojnë përdorimin e kësaj vule tha më tej z. Suma,duke shtuar se ka patur edhe takime me zyrtarër të lartë lidhur me këto shqetsime. I gjithë ky aktivitet rezultoi me një veprim të shpejtë të organeve përkatëse shtetërore që të hiçet nga përdorimi vula me atë mbishkrim.
Anëtarë e KKSB-së përkrahën fuqishëm veprimet e kryetarit Rufki Suma , si shumë të arsyeshme dhe me kohë, duke përgëzuar edhe institucionet shtetërore të cilë reaguan shpejtë në përgjigjeje të kësaj situate.
Zyra për Informim
