Hani i Elezit 25.11.2011
Këshilli Komunal për Siguri në Bashkësi mbajti sot takimin e rregullt për muajin nëntor.
Vlerësim i përbashkët i anëtarëve të KKSB-së ishte se situata e sigurisë në komunën e Hanit të Elezit vazhdon te mbetet e qetë dhe pa ndonjë eksces që ia vlen të përmendet.
Duke iu referuar takimeve të kaluar KKSB vlerëson se përkundër faktit se gjatë gjithë këtij viti nuk ka pasur aktivitete që në ndonjë mënyrë kanë rrezikuar sigurinë e përgjithshme të qytetarëve të komunës megjithatë të gjitha shqetësimet që janë identifikuar nga qytetarët e komunës duhet të zbërthehen në një planë veprimi për vitin 2012.
Objektiva kryesore të këtij plani të veprimit do të përqendrohen në rritjen e vetëdijes së qytetarëve si aktorë të drejtpërdrejtë në fushën e sigurisë duke u përqendruar ne zgjedhjen e problemeve të sigurisë ,evitimin e problemeve dhe incidenteve,respektimin dhe zbatimin e ligjit si dhe sensibilizimin dhe parandalimin e dukurive te cilat në cilën do formë rrezikojnë sigurinë e përgjithshme te qytetarëve.
Ky planë veprimi do të përmbajë edhe aktivitete konkrete për realizimin e këtyre objektivave ,duke identifikuar edhe aktoret që më së miri mundë të kontribuojnë drejtpërdrejt në arritjen e rezultateve konkrete, si SHPK,Institucionet si dhe shoqëria civile.
Nazim Haliti nga FIQ-i tha se plani i veprimit duhet të jetë udhërrëfyes i aktiviteteve të cilat duhet të shpërndahet në dinamikë dhe kohë me qëllim qe të ruaj kontinuitetin e veprimit dhe të jetë fleksibël dhe të ju përgjigjur sfidave të momentit.
Ferdinand Nikolla kordinatorë i projektit Safe the World tha se KKSB së bashku me aktorët tjerë të shoqërisë, duhet të identifikojnë ndonjë projekt të qëndrueshëm për implementim .
Duke rezymuar këtë takimi kryetari i komunës Rufki Suma tha se KKSB në vazhdimësi është duke identifikuar të gjitha ato shqetësime të qytetarëve, dhe se është duke u munduar që të ju përgjigjet në mënyrën më të mirë të mundëshme.Në këtë drejtim aprovimi i ,,Planit për Veprim të Këshillit Komunal të Sigurisë në Bashkësi “ me objektivat e përcaktuara si dhe aktivitetet e planifikuara do të jetë udhërrëfyes për veprim konkret të këtij këshilli për vitin 2012.
Zyra për Informim
