Këshilli komunal për siguri në bashkësi mbajti mbledhjen e rregullt për muajin maj.
Takimi për rendë të ditës shqyrtoi :
-Procesverbalin nga mbledhje e kaluar
-Gjendja e përgjithshme e sigurisë në komunë gjatë muajit maj
-Të ndryshme.
Pas miratimit të rendit të ditës dhe procesverbalit nga mbledhje e kaluar para anëtarëve të KKSB-së ,për gjendjen e sigurisë e sigurisë raportuan përgjegjësit nga stacioni policorë në han të Elezit dhe policisë kufitare. Sipas tyre bazuar në rastet e evidentuara rezulton gjendje e mirë e sigurisë si në komunën e Hanit të Elezit po ashtu edhe në pikën kufitare. Zyrtarët policorë thanë se gjatë muajit maj nuk është evidentuar ndonjë rast i veçantë që mundë të raportohet si shkelje e rëndë e sigurisë së përgjithshme. Në këtë pikë të rendit të ditës me një raport u paraqit edhe drejtori i shërbimeve publike i cili njoftoi anëtarët me rrjedhën e aksionit të pastrimit me rastin e 24 majit ditës së pastrimit. Ai vlerësoi se aksioni ishte zhvilluar me sukses me pjesëmarrje të mirë të qytetarëve duke potencuar bashkëpunimin e mirë të institucioneve të angazhuara në atë aksion.
Në vazhdim të takimit Kryetari i komunës Rufki Suma i njoftoi anëtarët e KKSB-së se aktualisht në komunë janë duke u implementuar disa projekte dhe se presim edhe filimin e disa të tjerave si Asafltimi i rrugës Hani i Elezit –Pustenik, Rruga e të Përndjekurve nga Ura e Fejzës – Ura e Seqishtës, rruga Dheu i Bardhë- Paldenicë,si dhe disa projekte të tubëzimit të rrugëve dhe kanalizimeve për të cilat kryetari Suma kërkoi bashkëpunim dhe angazhim të të gjithëve në mënyrë që ato të përfundojnë me sukses.
Në takim u prezantuan edhe përgatitjet e komunës së Hanit të Elezit për të shënuar “Javën Kulturore 2013” e cila fillon me 1 Qershor dhe përmbyllet me manifestimin qendorë me11 Qershor, Ditën e Qlirimit të komunës së Hanit të Elezit.Duke pas parasysh se gjatë ditëve në vijim do të ketë shumë aktivitete si kulturore por edhe sportive si dhe pjesëmarrje të madhe të qytetarëve do të ishte e mirëseardhur kujdes më i madh i institucione por edhe Policisë së Kosovës.
Zyra për informim
