Hani i Elezit 27.01.2012
Këshilli komunal për siguri në bashkësi e komunës së Hanit të Elezit mbajti takimin e parë për vitin 2012.
Duke bërë një përmbledhje të të gjtha aktiviteteve nga takimi i fundit ,ishte vlerësim i përbashkët se gjendja e sigurisë në komunën e Hanit të Elezit vazhdon të mbete e mirë pa ndonjë zhvillim që vlen të përmendet. Edhe pse nga takimi i fundit brenda kësaj periudhe kohore ishin edhe festat e fundëvitit, ato u zhvilluan ne suaza normale pa u regjistruar as edhe një incident.
Edhe në raportet Policisë së Kosovës gjendja paraqitet stabile,si në komunën e Hanit të Elezit ashtu edhe Zonën Kufitare e Vijën e Gjelbërt.
Megjithatë ekzekutivi i komunës mbetet e përkushtuar që me aktivitet e veta të jetë në rrjedhën e të gjitha zhvillimeve që do të ndikonin në gjendjen e përgjithshme në komunë tha kryetari i komunës Rufki Suma .Komuna tashmë ka hartuar planin për te gjitha aktivitete e parashikueshme për vitin 2012 duke pas parasysh se mund të gjendemi edhe në sprova të cilat kërkojnë angazhim të menjëhershëm.
Kjo më se miri u vërtetua edhe me menagjimin e situatës pas reshjeve të mëdha të borës që goditën edhe komunën e Hanit të Elezit,ku me angazhimin e shpejtë të drejtorisë së shërbimeve publike, Kompanisë ,,Pastërtia” , kontraktorëve por edhe të vullnetarëve, që vlen të përmendet ,të gjitha rrugët si në qytet por edhe drejt të gjitha fshatrave janë të kalueshme dhe nën kontroll.
Në takim këtë takim morrën pjese edhe Mexhide Spahija drejtoreshe e FIQ-it dhe Ferdinand Nikolla nga Safe the World të cilët u deklaruan se do të vazhdojnë të përkrahin KKSB-në e Hanit të Elezit edhe në implementimin e projektit për instalimin e kamerave monitoruese në institucionet arsimore,projekt ky i cili ka marrë edhe miratimin e Kuvendit të Komunës në seancën e fundit.
Zyra për informim
