Hani i Elezit 30.11.2012
Këshilli Komunal për Siguri në Bashkësi (KKSB)mbajti mbledhjen e rregullt për muajin Nëntor.
KKSB-ja për rendë të ditës në këtë takim kishte;
-Gjendja e përgjithshme e sigurisë në komunën e Hanit të Elezit gjatë muajit Nëntor.
-Njoftim lidhur me rrjedhën e Manifestimit me rastin e 100 Vjetorit të Pavarësisë së Shqipërisë.
– Planet e punës së KKSB-së për vitin 2013.
-Të ndryshme
Duke e hapur këtë takim kryetari i komunës Rufki Suma i cili kryesoi me këtë takim shfrytëzoi rastin që anëtarëve të KKSB-së tua uroj 100 Vjetorin e Pavarësisë së Shqipërisë dhe Ditën e Flamurit.
Duke raportuar lidhur me gjendjen e përgjithshme të sigurisë ,komandanti i nënstacionit policorë në Han të Elezit Nehat Suma tha se edhe përkundë faktit se muaji nëntor ka qenë muaj i festave dhe se përgatitjet për festime kanë filluar më herët dhe ka pas lëvizje të mëdha të qytetarëve , lirisht mundë të them se i gjithë manifestimi ka kaluar pa ndonjë problem dhe ekses i cili mundë të veçohet.Aq më tepër këtë muaj mundë ta vlerësojmë si muajin më të qetë në bazë të rasteve të raportuara pranë nënstacionit tonë policorë.
Të njejtin vlerësim e kishte edhe Remzi Aliu nga policia kufitare. z. Aliu tha se e vetmja gjë që e vlenë të përmendet është fluksi i madh i qytetarëve të cilët kanë kaluar në pikën kufitarë të cilën e kemi ndërlidhur me manifestimet që janë organizuar në dy anët e kufirit. Policia kufitare vazhdon të përcjellë me kujdes maksimal edhe tentimet për kalime ilegale apo kontrabandime të ndryshme të mallrave por këto dukuri janë normale në zonat kufitare dhe se policia e jonë është duke u përballur me sukses me këto dukuri.
Ndërsa Ali Vishi, kapiten i Njësisë Ndërlidhëse për Reagim në Kriza tha se edhe për FSK-ën ky muaj ishte i mbushur me aktivitete të ndryshme pasi që kemi pasur Manifestimin me rastin e Ditës së Forcës së Sigurisë së Kosovës ,kemi pas angazhime lidhur me prezantimin e Uniformës së re të FSK-së si dhe kemi qenë pjesë e parakalimit të madh e cila është mbajt në Tiranë me rastin e festave të Nëntorit.
Lidhur me rrjedhën e Manifestimit me rastin e 100 Vjetorit të Pavarësisë së Shqipërisë dhe Ditës së Flamurit , raportoi Drejtori i Drejtorisë për Arsim dhe Kulturë Nesim Dernjani.Ai tha se Drejtoria e Arsimit dhe Kulturës ka qenë bartëse a aktiviteteve për shënimin e këtij përvjetori të rëndësishëm të kombit Shqiptarë.Për këtë arsye janë ndërmarrë shumë aktivitete duke filluar prej vendosjes së flamujve deri në organizimin e manifestimit qendrorë me datë 28.11.2012.
Ajo që do ta potencoja tha më tej z. Dernjani është se i tërë Manifestimi ka kaluar pa as një incident përkundër pjesëmarrjes shumë të madhe të qytetarë që morën pjesë atë ditë.Është vlerësim i përgjithshëm se ia kemi arritur të organizojmë një performancë të denjë për këtë përvjetorë duke shfrytëzuar rastin që të falënderojë të gjithë ata që u angazhuan me këtë rast.
Edhe Nuriman Kuka nga komuniteti i biznesit tha se i tërë angazhimi lidhur me këtë festë ka qenë i jashtëzakonshëm. z.Kuka me këtë rastë falemnderoi edhe kontributin e komunitetit të biznesit për kontributin e dhënë në këtë manifestim i cili u vlerësua lartë nga qytetarët pjesëmarrës .
Në vazhdim të takimit anëtarët e KKSB-së debatuan lidhur me planet e punës së KKSB- së për vitin 2013 duke u zotuar se në takimin e radhës do të dalin edhe me projekte e propozime konkrete lidhur me aktivitetet e KKSB-së për vitin 2013.
Zyra për Informim
