Këshilli Komunal për Siguri në bashkësi mbanë takimin e radhës për muajin shtator.
KKSB-ja për rendë të ditës shqyrtoi;
-Informatën për sigurinë e përgjithshme në komunën e Hanit të Elezit
-Informatën mbi zjarret gjatë muajit shtator
-Analiza e Udhëzimit Administrativ për funksionimin e ardhshëm të KKSB-ve
– Vazhdimi i bashkëpunimit me FIQ-in
– Të ndryshme.
Gjendjen e përgjithshme të sigurisë në komunën e Hanit të Elezit mundë ta vlerësojmë si stabile dhe të qetë , ky ishte vlerësimi i komandantit të nënstacionit policorë Nehat Suma. Përveç disa raste të izoluara nuk kemi pas prishje të rëndë të rendit dhe qetësisë publike tha z. Suma.
Edhe nga pika kufitare është njoftuar se gjendja mundë të vlerësohet pa ndonjë rast të rëndë edhe pse janë të vazhdueshme tentimet për kontrabandime dhe kalime ilegale të kufirit. Megjithatë për një kufi me kalueshmëri të madhe siç është pika në Han të Elezit këto dukuri janë në brenda suazave normale dhe se stafi doganorë është duke u përballur me sukses me këto zhvillime.
Nga policia e vijës së gjelbër nuk raportohet për raste që vlen të përmendet. Megjithatë është apel i përgjithshëm që edhe qytetarët të kontribuojnë në rast se vërejnë raste të dyshimta të njoftohen shërbimet përkatëse në mënyrë që të parandalohen raste që mundë të prishin rendin dhe qetësinë publike.
Informatën mbi zjarret në komunën e Hanit të Elezit e prezantoi Drejtori i DSHPE-së Rufat Shkreta i cili tha se gjatë muajit shtatorë është intervenuar në tre raste ,fatmirësisht nuk raportohet për dëme të mëdha në të mirat materiale të qytetarëve.
Këshilli Komunal për Siguri në Bashkësi bëri edhe një analizë të udhëzimit Administrativ për funksionimin e ardhshëm të KKSB-ve .Ishte vlerësim i përbashkët se me disa ndyshime dhe skjarime komuna e Hanit të Elezit mundet të fillojë zbatimin e plotë të këtij udhëzimi.
Në këtë takim të KKSB-së ishte prezent edhe z. Nazim Haliti nga FIQ-i i cili njoftoi të pranishmit se FIQ-i në bashkëpunim me qeverinë Norvegjeze do të vazhdojë bashkëpunimin me komunën e Hanit të Elezit.
Ai tha se bashkëpunim do të vazhdojë në fushën e sigurisë publike , konsultime me qytetarët dhe grupet e interesit si dhe se do të shqyrtohen mundësit për implementimin e ndonjë projekti të kësaj natyre .
Në përmbledhje të takimit kryetari i komunës Rufki Suma tha se vlerësimi pozitiv i gjendjes së sigurisë është lajmë i mirë dhe pasqyrë e mirë e gjendjet së përgjithshme në komunë e Hanit të Elezit .
Ai në vazhdim njoftoi të pranishmit me zhvillimet në komunën e Hanit të Elezit , duke u ndalur në zhvillimin e projekteve ,dhe ecurinë e realizimit të tyre.z Suma u ndal edhe në fillimin me sukses të vitit shkollorë si dhe eskursionin e nxënësve të shkollës së mesme në Shqipëri i cili kaloi pa as një incident.
Zyra për Informim
