Hani i Elezit 29.11.2013
Këshilli komunal për siguri në bashkësi (KKSB) mbajti mbledhjen e rregullt për muajin nëntor.
Këshilli për rendë të ditës shqyrtoi;
-Miratimin e procesverbalit nga mbledhje e kaluar
-Vlerësimin e gjendjes së sigurisë gjatë muajit nëntor
-Të ndyshme
Takimin e kryesoi nënkryetari i komunës Muzafer Dernjani i cili falënderoi të pranishmit për pjesëmarrjen e rregullt në takimet e KKSB-së.
Lidhur me gjendjen e sigurisë gjatë muajit nëntor raport përmbledhës prezantoi Nuhi Dema Komandant i stacionit policorë në Han të Elezit. Ai tha se edhe muaji nëntor mundë të vlerësohet si i qetë dhe pa ndonjë incident i cili ka cenuar rendin dhe qetësinë publike.Komandanti Dema vlerësoi lartë edhe zhvillimin e procesit zgjedhorë në komunën e Hanit të Elezit duke i përgëzuar banorët për kulturën e treguar gjatë këtij procesi.Duke u ndërlidhur me këtë proces z.Dema tha se gjatë ditës së zgjedhjeve policia e Kosovës ka vepruar në përputhje me planin operativ i miratuar për të përcjellur procesin zgjedhor. Fatmirësisht i tërë procesi kaloi pa ndonjë incident dhe se policia e Kosovës duke reaguar me kohë ka parandaluar ndonjë veprim i cili do të pengonte këtë proces.
Në fjalën e tij z.Dema u ndal edhe në disa probleme të cilat ai i vlerësoi se duhet të shqyrtohen në KKSB, fjala ishte për disa rrjedha të ujit në dy segmente të rrugës magjistrale të cilat tani me fillimin e dimrit mundë të paraqesin rrezik si për ngasësit e automjeteve por edhe për këmbësorët.Ai kërkoi nga ekzekutivi i komunës që të ndërmerr masa për mënjanimin e tyre si dhe në bashkëpunim me MI-në të korrigjohen disa shenja të sinjalizimit si dhe të shtohen disa të tjera në interes të komunikacionit më të sigurtë në qytetin e Hanit të Elezit.
Edhe për z.Remzi Aliun nga Policia Kufitare gjendja prezantohet pa ndonjë rast të veçant të cenimit të sigurisë së vendkalimit kufitarë.Ai po ashtu përgëzoi banorët e komunës së Hanit të Elezit për procesin shumë të mirë zgjedhorë duke uruar kryetarin Rufki Suma për mandatin e ri.Ai theksoi se policia kufitare në vazhdimësi ballafaqohet me raste rutinore me të cilat po menagjon me shumë sukses.
Në takimin e KKSB-së u.d. i DKA-së Irfan Qajani shprehu shqetësimin për disa nxënës të lagjeve periferike të cilat kanë raportuar për rezikun nga qenët endacak.Ai tha se me stinën e dimrit ky rezik bëhet edhe më i theksuar ngase një grup i nxënësve të ndërrimit të pasditës kanë njoftuar për rrezik me ç’rast kanë kërkuar që të merren masa për eliminimin apo largimin e tyre.
Zyra për Informim
