Hani i Elezit 30.09.2011
Këshilli komunal për siguri në bashkësi mbajti sot takimin e rregullt mujorë.
Informatat mbi gjendjen e përgjithshme të sigurisë,informata për dëmet e shkaktuara nga zjarret gjatë muajit ,si dhe informatat për fillimin e vitit shkollorë dhe ecurinë e realizimit të disa projekteve ,në kontekst të aspektit të sigurisë,ishin disa nga temat me te cilat këshilli për siguri në bashkësi sot i kishte për rënd të ditës.
Pas fjalës hyrëse të kryetarit të komunës Rufki Suma lidhur me situatën e përgjithshme në komunë,ishte vlerësim se përkundër shumë zhvillimeve në Republikën ë Kosovës ,situata mund të vlerësohet si e qetë dhe stabile.
Këtë më së miri e konfirmoi edhe komandanti i nënstacionit policorë në Hanë të Elezit Nehat Suma i cili tha se gjatë këtij muaji nuk kishte ndonjë aktivitet i cili mund të veçohet si shkelje e rëndë e rendit dhe qetësisë dhe se situatën mund ta vlerësojmë si stabile dhe normale.
Vahit Hyseni nga njësia e vijës kufitare po ashtu e vlerësoi se përgjatë vijës kufitare nuk është vërejtur ndonjë aktivitet që mund të cenon sigurinë dhe stabilitetin ne komunë .
Z.Hyseni tha se që nga fillimi i muajit ka filluar patrullimi i përbashkët i kombinuar i njësive të vijës kufitare të Republikës së Kosovës dhe të asaj të Republikës së Maqedonisë.
Ai me këtë rast kërkoi qe të njoftohen edhe qytetarët e Hanit të Elezit dhe të rrethinës që mos të ndihen të shqetësuar nëse shohin ndonjë patrullë policore të Republikës së Maqedonisë në brendi të vendit tonë pasi që është fjala për zbatimin e marrëveshjes për mbrojtje të përbashkët të kufirit.
Z.Hyseni e vlerësoi si shumë të mirë bashkëpunimi me njësit policore të Republikës së Maqedonisë.
Drejtori i drejtorisë për Shërbime Publike Rufat Shkreta njoftoi te pranishmit me dëmet e shkaktuara nga zjarret që goditën disa pjese të komunës ne veçanti fshatrat Krivenik ,Gorancë dhe Puset e Nikës.
Komisioni për vlerësim dëmeve të shkaktuara nga zjarret ka vlerësuar se dëmet janë afro 211.300.oo euro .
Është vlerësuar lartë angazhimi i njësitit të zjarrfikësve,mirëpo mbetet shqetësim i madh pajisja shumë e dobët e kësaj njësie me mjetet për fikje e sidomos me cisterne për zjarrfikje e cila pothuaj se ishte jofunksionale gjatë intervenimit.
Në këtë takim kontribuan edhe Nazim Haliti nga FIQ dhe Donika Qeta nga organizata Safe World të cilët shprehen gadishmërin që të ndihmojnë komunën e Hani të Elezit me rekomandime për vendosjen e një ure më të mirë të komunikimit ndërmjet qytetarëve dhe këshillit komunal të sigurisë.
Zyra për Informim
