Hani i Elezit 27.12.2011
Kuvendi i Komunës së Hanit të Elezit mbajti mbledhjen e dymbëdhjetë të rregullt për vitin 2011 ashtu siç e kishte planifikuar me planin e punës për këtë vit.
Kjo ishte edhe një mundësi që kryetari i komunës Rufki Suma të ju drejtohet këshilltarëve të kuvendit komunal me një përmbledhje të shkurtë të gjitha aktiviteteve gjatë vitit 2011 .
z.Suma me këtë rast falënderoi këshilltarët për gjithë angazhimin dhe bashkëpunimin shumë të mire dhe konstruktiv si dhe për gadishmërin qe të jenë në koherencë me nevojat dhe sfidat nëpër të cilat ka kaluar ekzekutivi gjatë vitit 2011.
Vitin që po lëmë pas, mundë ta vlerësojmë si vit shumë të suksesshëm pasi qe kemi arritur objektivat të cilat së bashku i kishim planifikuar.Edhe pse me disa vështërsi të cilat nuk ishin as me fajin e juaj po as të ekzekutivit ,për të cilat keni qenë të informuar me kohë ,jam i lumtur se megjithatë kemi arritur që 24 projektet e planifikuara ti realizojmë ,dhe se gjatë vitit kemi pasur mundësi që të planifikojmë por edhe të realizojmë edhe projekte tjera të cilat nuk i kishim në listën e projekteve të planifikuara ,dhe fundin e këtij viti po e përmbyllim me 31 projekte të përfunduara vlera e të cilave arrin në 1.777.157,74€,tha ndër të tjerat z.Suma para këshilltarëve.
Kryesuesi i Kuvendit të Komunës së Hanit të Elezit Menduh Vlash ,tha se më këtë mbledhje po e përmbyllim vitin 2011 me bindje se kemi arritur të realizojmë objektivat e planifikuar ne funksion të një ecje të përbashkët dhe në funksion të një zhvillimi të përgjithshëm dhe mirëqenies më të mirë të qytetarëve tanë.Edhe z.Vlashi falënderoi këshilltarët për kontributin e dhënë në draftimin dhe miratimin e shumë dokumenteve të rëndësishme të cilat janë miratuar këtë vit nga ky kuvend.
Në vazhdim këshilltarët e kuvendit të komunës proceduan me rendin e ditës ;
1. Miratimi i procesverbalit nga mbledhja e kaluar
2. Miratimi i draft rregullores për ndarjen e bursave për studente
3. Miratimi p Planit Lokal për Menaxhimin e Mbeturinave
4. Miratimi i propozim vendimit për themelimin e bibliotekës se qytetit
5. Miratimin e propozim vendimit per hartimin e planit rregullues urban
6. Shqyrtimi i raportit te punës se KKSB-se për vitin 2011 dhe planifikimet për vitin 2012
7. Shqyrtimi i Raportit te Auditimit për pasqyrat financiare te Komunës se Hanit te Elezit për vitin përfundimtar me 31 dhjetore
8. Pyetje dhe Përgjigjeje
Me disa vrejtje dhe propozime për plotësime u miratuan propozimet e rendit të ditës si dhe u shqyrtuan raporti i punës së KKSB-së dhe Raporti i Auditimit
