Këshilli Komunal për Siguri në Bashkësi e Komunës së Hanit të Elezit në takimin e rregullt për muajin shtatorë me punën e të cilit kryesoi kryetari i komunës Rufki Suma, reagoi lidhur me arrestimin e nënkolonelit Nehat Thaçi, drejtor rajonal i Policisë së Kosovës në Mitrovicë, nga ana e autoriteteve të Serbisë.
Anëtarët e KKSB-së thanë se me veprimet, siç është ai i arrestimit të drejtorit të Policisë së Kosovës, Serbia vazhdon drejtpërdrejt të cenojë marrëveshjen për liri të lëvizjes së lirë që u nënshkrua në mes Kosovës dhe Serbisë.
Është e qartë se bëhej fjalë për akuza politike që dyshohet t’i kenë kryer pjesëtarët e ish-UÇK-së si vazhdimësi metodave më të mbrapshta të arrestimit dhe frikësimit të qytetarëve të Republikës së Kosovës, gjithnjë sipas akuzave të pabazuar thuhet në reagim.
Për anëtarët e KKSB-së edhe më e pakuptimtë mbetet heshtja e institucioneve prej të cilëve nuk pati asnjë reagim, pavarësisht asaj që thuhet se Thaçi është i arrestuar sipas fletarrestimit nga Interpoli i akuzuar nga shteti i Serbisë si person i përfshirë në terrorizëm.
Pritjet e Institucioneve të Kosovës që me këtë çështje të merret Bashkimi Evropian, si lehtësues në bisedimet ndërmjet Prishtinës dhe Beogradit tregon paaftësi shtetërore, është akt i përuljes dhe e kushtëzimit të vazhdueshëm ndaj Serbisë dhe kërkesave të saja.
Këshilli Komunal për Siguri në Bashkësi e Komunës së Hanit Elezit ftonë të gjitha këshillat komunale për siguri në bashkësi të komunave të Kosovës që të ngrehin zërin e tyre në denim të këtij akti.
Gjatë takimit të Këshilli Komunal për Siguri në Bashkësi u biseduan edhe qështje të sigurisë në komunën e Hanit të Elezit gjatë muajit shtatorë.
Komandanti i Stacionit Policorë në Han të Elezit Nuhi Dema gjendjen e sigurisë e vlerëson të qetë dhe stabile. Ai tha se gjatë muajit nuk janë regjistruar raste të cenimit të gjendjes së sigurisë së përgjithshme. Janë shtuar aktivitete me fillimin e vitit shkollorë për siguri më të mirë të nxënësve.
Ndërsa Ali Vishi nga FSK-ja tha se gjatë muajit tetorë pritet të realizohet ushtrimi fushorë i FSK-së i cili një pjesë e këtij ushtrimi do të realizohet në komunën e Hanit të Elezit.
Në punën e KKSB-së me propozime konkrete kontribuan edhe anëtarët tjerë të këshillit
