Hani i Elezit 29.03.2013
Këshilli komunal për siguri në bashkësi mbanë mbledhjen e tretë të rregullt për muajin Mars.
Këshilli për rend të punës kishte:
-Informatë mbi gjendjen e përgjithshme të sigurisë
-Njoftim lidhur me aktivitetet e KKSB-së në vitin 2012
– Të ndryshme
Lidhur me gjendjen e përgjithshme të sigurisë në komunën e Hanit të Elezit njoftoi komandanti i stacionit policorë Nuhi Dema.Ai tha se gjendje e përgjithshme vlerësohet e mirë dhe pa ndonjë rast që mundë të vlerësohet si shkelje e rëndë e rendit dhe qetësisë publike. Komandanti Dema tha se janë raportuar disa raste të vjedhjes si ato në dy shkollat e Hanit të Elezi për të cilat janë duke u zhvilluar hetimet dhe tha se shpresojmë që shumë shpejt kryesit do të identifikohen. Duke u ndalë në zhvillimet e tjera z.Dema kërkoi nga komuna që të vendosen disa shenja për ndalim parkimi gjë që do të mundësonte Policinë e Kosovës të ndihmojë edhe në këtë drejtim.
Edhe nga policia e Vijës së Gjelbërt dhe nga ajo e Pikës Kufitare nuk u raportua për ndonjë rast serioz të shkeljeve në vijën kufitare dhe në pikën kufitare. Zyrtarët në fjalë raportuan për disa raste të kalimit ilegal dhe tentim të bartjes së mallrave në mënyrë ilegale, kryesisht tekstil.
Ndërsa Ali Vishi, kapiten i Njësisë Ndërlidhëse për Reagim në Kriza nga FSK-ja tha se kjo njësi gjatë muajit prill ka planifikuar që të vizitojë komunën e Hanit të Elezit për të bërë një vlerësim të rreziqeve të mundshme për të grumbulluar të dhënat e nevojshme që do të shfrytëzohen për sistemin e planit emergjent.
Në vazhdim të takimit KKSB-ja u njoftua lidhur me aktivitet të cilat janë realizuar gjatë vitit 2012.
KKSB-ja gjatë vitit 2012 ka mbajtur 12 takime ku janë diskutuar çështje të rëndësishme të sigurisë, komunikacionit, transporti i nxënësve, mirëmbajtja e rrugëve, manifestime të ndryshme,mbrojtja e pyjeve nga prerjet ilegale, çështjet e zjarreve si dhe tema tjera me interes të sigurisë për banorët e komunës së Hanit të Elezit, thuhet ndër të tjera në njoftimin e prezantuar.
Zyra për Informim
