Këshilli komunal për siguri në bashkësi mbanë mbledhjen e rregullt për muajin Nëntor.
Këshilli për rendë të ditës shqyrtoi:
1. Miratimi i procesverbalit nga mbledhje e kaluar
2. Gjendja e përgjithshme e sigurisë në Komunën e Hanit të Elezit
3. Të ndryshme
Me punën e KKSB-së udhëhoqi kryetari i komunës z.Rufki Suma.
Lidhur me gjendjen e përgjithshme të sigurisë raportuan zyrtarët nga Policia e Kosovës dhe vija e gjelbër.
Komandanti i Stacionit Policorë në Han të Elezit Toger Nuhi Dema tha se gjendja e përgjithshme e sigurisë në komunën e Hanit të Elezit vlerësohet e qetë dhe stabile pa ndonjë rast të veçantë të cenimit të rendit dhe qetësisë publike. Ai tha se gjatë muajit Nëntor janë regjistruar 7 raste të paraqitura të cilat nuk vlerësohen si raste të rënda të cenimit të rendit publik.
Edhe nga vija kufitare nuk raportohet për ndonjë rast të veçantë.
Duke kontribuar në punimet e KKSB-së Kryetari i Komunës z.Rufkki Suma tha se përkundër zhvillimeve në Kosovë gjendja në komunë vazhdon të mbetet e qetë dhe stabile. Megjithatë shumë ngjarje si vendore ashtu edhe ndërkombëtare reflektojnë në shqetësimet e qytetarëve duke përmendur zhvillimet në Francë apo protestat e opozitës. Kryetari Suma tha se dënon fuqishëm aktet e kryera në Francë mirëpo ai shtoi se po aq të dhimbshme janë edhe aktet në shumë vende të botës arabe të cilat meritojnë po të njëjtën keqardhje. Duke u ndërlidhur me protestat e opozitës kryetari Suma tha se Qeveria e Kosovës ka pas shumë bazë të reflektojë mbi kërkesat e opozitës. Këtë e ndërlidhi me veprimet e qeverisë Serbe e cila me një fushatë fashiste bëri që Kosova të mos anëtarësohet në UNESKO. Pikërisht në këtë fakt qeveria e Kosovës ka mundë të anulojë marrëveshjen mbi asociacionin nga se pjesë e marrëveshjes ka qenë mospengimi për tu anëtarësuar në organizata ndërkombëtare.
Kryetari Suma i njoftoi anëtarët e KKSB-së edhe lidhur me projektet të cilat janë duke u zhvilluar në komunën e Hanit të Elezit.
