Këshilli Komunal për Siguri në Bashkësi mbanë mbledhjen e parë për vitin 2016 dhe për rendë të ditës shqyrtoi:
-Miratimi i procesverbalit nga mbledhja e kaluar
-Gjendja e përgjithshme e sigurisë në komunën e Hanit të Elezit gjatë muajit Janar
-Të ndryshme.
Me punën e Këshillit Komunal për Siguri në Bashkësi udhëhoqi kryetari i komunës z.Rufki Suma
Gjendja e përgjithshme e sigurisë në komunën e Hanit të Elezit gjatë muajit Janar është vlerësuar e qetë dhe pa ndonjë rast të veçantë të shkeljes së rendit dhe qetësisë publike.
Këtë vlerësim e prezantuan zyrtarë policorë z.Nuhi Dema nga Stacioni Policorë në Han të Elezit z.Remzi Aliu nga Policia Kufitare dhe z.Vahit Hyseni nga Policia e Vijës së Gjelbërt.
Ndërsa kryetari i komunës z.Rufki Suma e njoftoi Këshillin Komunal për Siguri në Bashkësi mbi zhvillimet më të rëndësishme gjat muajit Janar. Ai tha se drejtoria e Shërbimeve Publike komunës së Hanit të Elezit me sukses ka menaxhuar situatën me reshjet e borës gjatë këtij muaji. Për as një moment nuk janë raportuar rrugë të mbyllura apo ndonjë situatë emergjente.
Kryetari Suma përmendi edhe vizitën e Presidentes së Republikës së Kosovës znj. Atifete Jahjaga Komunës së Hanit të Elezit.
Anëtarët e Këshillit Komunal për Siguri në Bashkësi debatuan edhe çështje tjera në interes të sigurisë të qytetarëve të Komunës së Hanit të Elezit
