Këshilli komunal për siguri në bashkësi e komunës së Hanit të Elezit (KKSB) mbajti mbledhjen e rregullt për muajin Maj.
Në mbledhjen të cilën e kryesoi nënkryetari i komunës z.Menduh Vlashi, KKSB- ja vlerësoi gjendjen e përgjithshme të sigurisë në komunën e Hanit të Elezit.
Sipas z.Nuhi Demës Komandant i stacionit policorë në Hanin e Elezit, gjendja në komunë mundë të vlerësohet e mirë dhe stabile dhe pa ndonjë rast të veçantë të shkelje së rëndë të qetësisë publike.
Ai tha se ky muaj është karakterizuar me disa zhvillime të veçanta siç ishin reshjet e dendura të shiut të cilat shkaktuan vërshime në disa zona të komunës dhe të cilat kërkuan kujdes të shtuar për shkak të situatës emergjente. Edhe nga policia kufitare nuk është raportuar për ndonjë gjendje të cilën duhet veçuar, përveç numrit të shtuar të lëvizjes të qytetarëve. Edhe pjesëmarrësit tjerë në këtë takim z.Ali Vishi nga FSK-ja, Hyrijete Isufi ,Muhamet Suma, dhe Refet Kalisi Drejtorë i DSHP-ja me diskutimet e tyre kontribuan që këshilli të debatojë për disa tema të cilët do të përmirësonin gjendjen e sigurisë siç janë siguria në komunikacion, menagjimi me gjendjen mjaft emergjente nëpër të cilën kaloi komuna gjatë muajit maj, angazhimi i përbashkët në zhvillimin me sukses të zgjedhjeve parlamentare si dhe tema tjera në interes të sigurisë publike.
Pjesëmarrës në takimin e KKSB-së ishte edhe z.Imer Thaqi, Departamenti për Siguri Publike nga Ministria e Punëve të Brendshme. Ai tha se të gjitha problemet dhe shqetësimet nga aspekti i sigurisë të cilat u shqyrtuan sot në këtë takim, janë pothuaj se të njëjta me shumë komuna tjera të Kosovës.E veçanta qëndron në gatishmërinë e institucioneve përkatëse që me kapacitete vetanake dhe angazhimet e tyre të përballen në menagjimin sa më të mirë të tyre. Për këtë komuna e Hanit të Elezit me takimet e rregullta dhe angazhimet konkrete ka dëshmuar përkushtimin që bënë të dallohet nga komunat tjera. Duhet të theksoj ky angazhimin i komunës së Hanit të Elezit po vlerësohet lartë si në raportet e institucioneve vendore por edhe nga ato ndërkombëtare tha z.Thaqi
Zyra për Informim
