Këshilli Komunal për Siguri në Bashkësi e Komunës së Hanit të Elezit mbanë mbledhjen e dytë të rregullt për vitin 2016 dhe për rendë të ditës shqyrtoi:
-Miratimi i procesverbalit nga mbledhja e kaluar
-Gjendja e përgjithshme e sigurisë në komunën e Hanit të Elezit gjatë muajit Janar
-Të ndryshme.
Me punën e Këshillit Komunal për Siguri në Bashkësi udhëhoqi kryetari i komunës z.Rufki Suma .
Gjendja e përgjithshme e sigurisë në komunën e Hanit të Elezit gjatë muajit Shkurt është vlerësuar e qetë dhe pa ndonjë rast të veçantë të shkeljes së rendit dhe qetësisë publike.
Ky vlerësim i është raportuar kryetarit të komunës z.Rufki Suma nga z.Nuhi Dema komandant i Stacionit Policorë në Han të Elezit i cili për shkak të angazhimit në detyrë e nuk prezentoi në takim.
Ndërsa z.Remzi Aliu nga Policia Kufitare tha se gjendja në vendkalimin kufitarë vlerësohet normale dhe policia kufitare është duke i realizuar me sukses detyrat dhe përgjegjësit që i takojnë kësaj policie.
Ai me këtë rast përmendi dy raste të cilat kanë karekterizuar muajin shkurt, rastin e vdekje të një vozitësi në teraminalin doganorë e cila sipas ekspertizës ka qenë vdekje e natyrshme si dhe rastin e e zbulimit dhe konfiskimit të një sasie të konsiderueshme të supstancës të dyshuar narkotike.
z.Remzi Aliu tha se sasia e konfiskuar e supstancës së dyshuar narkotike është 9 kg e 614 gr dhe se e njejta është zbuluar në një automjet në pronësi të një shtetasi Turk në hyrje të kufirit të Kosovës.
Ndërsa kryetari i komunës z.Rufki Suma e njoftoi Këshillin Komunal për Siguri në Bashkësi mbi zhvillimet më të rëndësishme gjat muajit Shkurt duke përmendur organizimin me sukse të shënimit të 17 Shkurit “Ditës së Pavarësisë”
Anëtarët e Këshillit Komunal për Siguri në Bashkësi debatuan edhe çështje tjera në interes të sigurisë të qytetarëve të Komunës së Hanit të Elezit
